राजश्वमारा क्यासिनोहरुले तीनदिनमा तिर्नबाँकी रकम नतिरे बन्द

<p><span style="line-height: 1.42857;">काठमाडौं ।</span><br></p><p>पर्यटन बिभागले राजश्व नतिरी सञ्चालनमा रहेका र बन्द भएर लाइसेन्स लिएर बसेका क्यासीनो सञ्चालकलाई तीन दिनभित्र सबै बक्यौता रकम बुझाउन आइतबार पत्र काटेको छ ।</p><p><br></p><p>पर्यटन विभागका महानिर्देशक दिनेश भट्टराईका अनुसार क्यासिनो सञ्चालकहरुलाई ३ दिनभित्रै सबै रोयल्टी बुझाउने निर्देशन सहितको पत्र काटिएको छ ।</p><p><br></p><p>मन्त्रालयले तीन दिनभित्र बक्यौता असुल्न पत्र काट्ने भनेर निर्णय गरे अनुसार पत्र पठाएको भट्टराईले जानकारी दिए ।</p><p>बक्यौता उठाउन विभागको होटल शाखाका उपसचिवको नेतृत्वमा समिति पनि गठन गरिएको छ ।</p><p><br></p><p>एक दर्जनभन्दा बढी क्यासिनो राज्यलाई रोयल्टी नबुझाई अदालती आदेशका भरमा सञ्चालनमा छन् । ती क्यासिनोले एक अर्ब ३२ करोड रुपैयाँ राजस्व सरकारलाई तिरेका छैनन् ।</p><p><br></p><p>यसअघि पनि विभागले बक्यौता तिर्न भन्दै क्यासिनोलाई पत्र काट्ने गरेको थियो । तर यसअघि ३० दिनको म्याद दिइन्थ्यो ।</p><p><br></p><p>आइतबार भने ३ दिनको मात्रै म्याद दिएर पत्र काटिएको छ । यसरी थोरै दिनको मात्रै म्याद दिएर पत्र काटेसँगै सरकारले क्यासिनो सञ्चालकहरुबाट कडाइका साथ बक्यौता उठाउन लागेको देखिएको छ । क्यासिनोहरुले तीनदिनभित्र तिर्नबाँकी रकम नबुझाए बन्द गराउने तयारी सरकारले थालेको बुझिएको छ ।</p><p><br></p><p>पर्यटन विभागका अनुसार होटेल अन्नपूर्ण इन्टरनेसनलले ११ करोड ६९ लाख, एभरेस्ट होटेल प्रालिले १० करोड ३५ लाख र नेपाल रिक्रिएसन सेन्टरका सञ्चालक राकेश बाध्वाले ५३ करोड ५० लाख रुपैयाँ तिर्न बाँकी छ ।</p><p><br></p><p>यस्तै, हृयाप्पी आवर प्रालिले ६ करोड ९३ लाख र फूलबारी रिसोर्टले २४ करोड ६६ लाख रुपैयाँ बुझाएका छैनन् । क्यासिनो भेनसले पनि सात करोड ६५ लाख सात हजार रुपैयाँ बुझाउन अटेर गर्दै आएको छ ।</p><p>अदालतको २३ कात्तिक ०७२ को अन्तरिम आदेशका भरमा होटेल याक एन्ड यतीमा सञ्चालित क्यासिनोले सरकारलाई ११ करोड ८७ लाख रुपैयाँ राजश्व तिरेको छैन ।</p><p><br></p><p>अदालती आदेशलाई बाहना बनाउँदै यसले राजश्व बुझाउन अटेर गर्दै आएको छ । याक एन्ड यतीको क्यासिनो रोयल र होटेल र्‍याडिसनको क्यासिनो र्‍याड पनि अदालतको आदेशकै भरमा सञ्चालन भएर राज्यलाई राजश्व नबुझाउने क्यासिनो हो ।</p><p><br></p><p>अन्तरिम आदेशकै भरमा क्यासिनो रक इन्टरनेसनलले भैरहवाको होटेल बोधी रेडसन, वीरगञ्जको होटेल सुरज, काँकडभिट्टाको होटेल रियाज र धनगढीको होटेल साथीमा मिनी क्यासिनो चलाइरहेको छ ।</p><p><br></p><p>हृयाप्पी आवर प्रालिबाट महेन्ऽनगर, नेपालगञ्ज, चन्द्रगढी र भैरहवामा पनि क्यासिनो सञ्चालन भइरहेको छ । यी दुवै मिनी क्यासिनोले राजश्व बुझाउन मानेका छैनन् ।</p>