पेट्रोलको भाउ घट्यो

<p><span style="line-height: 1.42857;">काठमाडौं ।</span><br></p><p>नेपाल आयल निगमले पेट्रोलको मुल्य प्रति लिटर एक रुपैयाँ घटाएको छ ।</p><p><br></p><p>निगम संचालक समितिको आइतबार बसेको बैठकले साँझ मुल्य घटाउने निर्णय गरेको हो । नयाँ दर अनुसार अव उपभोक्ताले एक लिटर पेट्रोलका लागि एक सय ३ रुपैयाँ प्रति लिटर तिर्नुपर्नेछ ।</p><p><br></p><p>‘पेट्रोलमा प्रति लिटर एक रुपैयाँ घटाइएको छ,’ निगमका प्रवक्ता वीरेन्द्र गोइतले भने । पेट्रोलमा मुल्य घटेपनि डिजल, खाना पकाउने ग्याँस, हवाइ इन्धन, मट्टितेलमा भने मुल्य समायोजन गरिएको छैन ।</p><p><br></p><p>निगमले मार्च एक तारिखमा भारतीय आयल निगम ९आइओसी० बाट प्राप्त मुल्य सूची अनुसार पेट्रोलको मुल्य घटाएको जनाएको छ। नयाँ मुल्य समायोजना पछि १५ दिनको नाफा निगमलाई १५ करोड रुपैयाँ नै हुनेछ।</p><p><br></p><p>‘नयाँ मुल्य सूची अनुसार अबको १५ दिनमा निगमको नाफा १५ करोड हुने देखिएको छ,’ गोइतले भने। भारतमा पेट्रोलीयम पदार्थको मुल्य केहि घटेकाले नेपालमा पनि घटाएको उनले बताए। नेपालले आइओसीबाट इन्धन आयात गरि बिक्री वितरण गरिरहेको छ। निगमले आइओसीको मुल्य सूची अनुसार २०७१ असोजदेखि मुल्य समायोजन गर्दै आएको छ ।</p><p><br></p><p>स्वचालित रुपमा मुल्य समायोजन हुने भनिएपनि भारतमा मुल्य घटेर आउँदा धेरै जसो समय निगमले यहाँ घटाउने गरेको छैन ।</p>