प्रधानमन्त्रीसँग चिनियाँ उपप्रधानमन्त्रीको शिष्टाचार भेट

<p><span style="line-height: 1.42857;">काठमाडौं ।</span><br></p><p>प्रधानमन्त्री शेरबहादुर देउवासँग चीनको राज्य परिषद्का उपप्रधानमन्त्री वाङ याङले आज शिष्टाचार भेट गर्नुभएको छ ।&nbsp;</p><p><br></p><p>प्रधानमन्त्री निवासमा बालुवाटारमा भएको भेटमा उहाँहरुबीच द्विपक्षीय सम्बन्ध, आपसी हित र पारस्परिक सहयोग विस्तारबारे छलफल भएको प्रधानमन्त्रीका परराष्ट्र मामिला सल्लाहकार दिनेश भट्टराईले जानकारी दिनुभयो ।</p><p><br></p><p>प्रधानमन्त्री र चिनियाँ उपप्रधानमन्त्रीबीच व्यापार, पर्यटन, भौतिक पूर्वाधार निर्माण, सीमापार सम्पर्क विस्तार तथा दुई देशका जनताबीचको सम्पर्क र सम्बन्धलाई थप मजबुत बनाउने छलफल भएको सल्लाहकार भट्टराईले &nbsp;बताउनुभयो ।</p><p><br></p><p>हिजो भएका तीन वटा सम्झौताले दुई देशबीचको सम्बन्धलाई अझ प्रगाढ तुल्याउन मद्दत मिलेको बताउँदै दुवै नेताले सन्तुष्टि व्यक्त गर्नुभएको भट्टराईले बताउनुभयो ।</p><p><br></p><p>उक्त भेटमा प्रधानमन्त्री देउवालाई उपप्रधानमन्त्री वाङले चीन भ्रमणका निम्ति आमन्त्रण गर्नुभएको र प्रधानमन्त्री देउवाले राष्ट्रपति सी जिनपिङ्गलाई नेपाल भ्रमणका लागि पुनः अनुरोध गर्नुभएको सल्लाहकार भट्टराईले बताउनुभयो ।</p>