८० वर्ष नाघेका ५१ जनाले दिए उम्मेद्धारी, परिचय पत्र आइतबार

<p><span style="line-height: 1.42857;">काठमाडौं ।</span><br></p><p>यही असार १४ गते हुने दोश्रो चरणको स्थानीय तहको निर्वाचनमा ८० वर्ष उम्मेर नाघेका ५१ जना ज्येष्ठ नागरिकले उम्मेदवारी दिनुभएको छ ।</p><p><br></p><p>५१ जना मध्ये ३ जनाले नगरपालिकाको प्रमुखमा, २ जनाले गाउँपालिका अध्यक्षमा, १६ जनाले वडाअध्यक्षमा र बाँकी २९ जनाले वडा सदस्य, महिला वडा सदस्य र दलित वडा सदस्य पदमा उम्मेदवारी दर्ता गराउनुभएको निर्वाचन आयोगले जनाएको छ ।</p><p><br></p><p>उम्मेदवार बन्नुभएका जेष्ठ नागरिकमध्ये ३ जना ९० वर्ष माथिका व्यक्ति हुनुहुन्छ ।</p><p><br></p><p>प्रदेश नम्बर ७ को बझाङमा शताब्दी पुरुषका रुपमा परिचित विष्णुबहादुर रावतले &nbsp;वडाध्यक्ष पदमा उम्मेदवारी दिनुभएको छ ।</p><p><br></p><p>१९७६ जेठ १७ गते जन्मिएका ९८ वर्षीय रावतले दुर्गाथली गाँउपालिका वडानम्बर ३ मा नेपाली काङग्रेसको तर्फबाट वडाध्यक्षमा उम्मेदवारी दिनुभएको हो ।</p><p><br></p><p>जिल्ला निर्वाचन कार्यालय बझाङले उहाँलाई सम्भवत नेपालकै बयोबृद्ध उम्मेदवारबाट मनोयन दर्ता भएको भनी निर्वाचन आयोगलाई जानकारी दिएको छ ।&nbsp;</p><p><br></p><p>ओखलढुङगा चम्पादेवी गाँउपालिका ५ मा पनि ९५ वर्षीय &nbsp;टेकबहादुर तामाङले गाँउपालिका सदस्यमा नेकपा एमालेको तर्फबाट उम्मेदवारी दिनुभएको छ ।</p><p><br></p><p>सुनसरीको कोशी गाँउपालिका ८ का ९३ वर्षीय सफिद मिँयाले एमालेको तर्फबाट &nbsp;वडा सदस्यमा मनोनयन पत्र दर्ता गराउनुभएको हो ।&nbsp;</p><p><br></p><p>निर्वाचन आयोगमा प्राप्त विवरण अनुसार ८० वर्ष उमेर नाघेका सबैभन्दा धेरै उम्मेदवार राप्रपाका &nbsp;छन भने त्यसपछि नेपाली काङग्रेस, स्वतन्त्र, नेकपा एमाले, माओवादी केन्द्रका रहेका छन ।</p><p><br></p><p>निर्वाचन आयोगले असार १४ गते हुने दोश्रो चरणको स्थानीय तह निर्वाचनका लागि भोलि आइतबारदेखि सम्बन्धित मतदान केन्द्रमार्फत मतदाता परिचयपत्र वितरण गर्ने भएको छ ।&nbsp;</p><p><br></p><p>मतदान गर्न मतदाता परिचयपत्र अनिवार्य भएकोले आयोगले भोलि र पर्सी मंगलबार सम्बन्धित मतदान केन्द्रबाट मतदाता परिचयत्रपत्र वितरण गर्ने भएको हो । &nbsp;</p><p><br></p><p>दोश्रो चरणअन्तर्गत निर्वाचन हुने १, ५ र ७ नम्बर प्रदेशका ६४ लाख ३२ हजार सात सय ६५ मतदातालाई भोलिदेखि तीन दिनसम्म मतदाता परिचयपत्र वितरण गरिने निर्वाचन आयोगले जनाएको छ ।</p><p><br></p><p>मतदाताले स्वयं मतदान केन्द्र पुगेर मतदाता परिचयपत्र लिनुपर्ने आयोगका सहसचिव एवं मतदाता शिक्षा प्रमुख नवराज ढकालले जानकारी दिनुभयो ।&nbsp;</p><p><br></p><p>दोश्रो चरणमा मतदान हुने १, ५ र ७ नम्बर प्रदेशका ३५ जिल्लाका ३३४ स्थानीय तहमा चार हजार ५८१ मतदान स्थलमा आठ हजार ३६४ मतदान केन्द्र तोकिएको छ ।</p>