धनकुटामा असिनाले दुईकरोड बढीको तरकारीबालीमा क्षति

<p><span style="line-height: 1.42857;">धनकुटा ।</span><br></p><p>मुसलधारे पानीसंगै परेको असिनाले धनकुटाको डाँडाजार र तुंखाका किसानले लगाएको दुई करोड भन्दा बढी तरकारी नष्ट गरेको छ ।</p><p>&nbsp;</p><p>हावाहुरी संगै आएको आसिनाले डाँडाबजारका किसानले लगाएको आलु, काउली नष्ट गरेको स्थानीय पलक बस्नेतले बताउनुभयो ।</p><p>&nbsp;</p><p>असिनाले डाँडाबजारका करीब ३० घर किसानले लगाएको करीव ४० &nbsp;लाख बराबरको तरकारी नष्ट बस्नेतले जानकारी दिनुभयो ।</p><p>&nbsp;</p><p>असिनकको कारण तरकारी नष्ट भएपछि किसानहरुको जीवन चलाउने आम्दानीको मुख्य स्रोत नै सकिएको बस्नेतको भनाईछ ।</p><p>&nbsp;</p><p>त्यसैगरी डाँडाबजारको तुंखा गाउँमा पनि असिनाले क्षति पुगेको छ । करीब १३० घरले लगाएको तरकारी बालीमा क्षती पुगेको छ । असिनाले गोलभेडा, अकबरे खोर्सानी र काउलीका विरुवा नष्ट गरेको स्थानीय किसान विष्णु लिम्बुले बताउनुभयो ।</p><p>&nbsp;</p><p>लिम्बुले रोपेको गोलभेडा र अकबरे खोर्सानी नष्ट हुँदा ३ लाख घाटा लागेको जानकारी दिनुभयो ।</p><p>यसका साथै असिनाले लाप्चेटार, ओख्रे, नाम्जे लगायतको गाउँका किसानले रोपको तरकारी &nbsp;समेत असिनाले क्षति पु¥याएको जिल्ला कृषि विकास कार्यालयले जानकारी दिएको छ । असिनाबाट पुगेको क्षतिको विषयमा किसानहरुले राहतको माग गरेका छन् । किसानहरुको माग आएपछि क्षतिको विवरण संकलन गर्न जिल्ला कृषि विकास कार्यालयले भेडेटार सेवा केन्द्रबाट कृषि प्राविधिक टोली पठाएको छ ।</p><p>&nbsp;</p><p>उक्त टोलीले क्षतिको एकिन तथ्याङ्क संकलन गर्ने जिल्ला कृषि विकास कार्यालयका ल िसंरक्षण अधिकृत सुर्य सापकोटाले बताउनुभयो । &nbsp;</p>