कोरियामा दुई नेपालीको बंगुरको पिसाब ट्यांकी सफा गर्ने क्रममा मृत्यु

<p><span style="line-height: 1.42857;">सोल ।</span><br></p><p>प्रशिक्षार्थी कामदारको रुपमा दक्षिण कोरिया आएका आएका दुई नेपाली युवाको बंगुरको पिसाब जम्मा हुने ट्यांकी सफा गर्ने क्रममा निसास्सीएर निधन भएको छ ।</p><p><br></p><p>दक्षिण कोरियाको थेगु शहरको ख्याङ्सङेबुक्दो नजिकै बंगुर फार्ममा कार्यरत तेज बहादुर गुरुङ र छविलाल चौधरीको निधन भएको हो ।</p><p><br></p><p>बंगुरको पिसाब जम्मा गर्ने ट्यांकी सफा गर्ने क्रममा निसास्सिएर बेहोश भएका स्याङ्जा मासकोटका गुरुङ र कैलालीका चौधरीको उपचारका लागि अस्पताल लैजाँदै गर्दा बाटोमै मृत्यु भएको हो ।&nbsp;</p><p><br></p><p>गुरुङ तीन वर्ष र चौधरी दुई महिना अघि मात्रै रोजगार अनुमति प्रणाली 'इपिएस' मार्फत कोरिया आइपुगेको बुझिएको छ ।</p><p><br></p><p>प्राप्त समाचार अनुसार शुक्रबार राति ९ बजेतिर बंगुरको पिसाब जम्मा गर्ने ट्यांकी सफा गर्ने क्रममा एक्कासी बेहोस भएर ट्यांकीभित्रै बेहोश भएको अवस्थामा त्यहाँ कार्यरत अन्य नेपाली देखेपछि बाहिर निकालेका थिए ।</p><p><br></p><p>घटनापछि प्रहरीले बंगुर फार्मका मालिकलाई नियन्त्रणमा लिएर आवश्यक अनुसन्धान अगाडि बढाएको छ । उनीहरुको शव आङ्दोङ अस्पतालमा राखिएको छ ।</p><p><br></p><p>बंगुरको पिसाब संकलन गरिने ट्यांकीभित्र अक्सिजनको मात्रा कम हुने र विषाक्त ग्यास जम्मा हुने भएकाले निसास्सिएर बेहोश भएको अनुमान गरिएको छ ।</p>