देशलाई माया गर्ने मान्छेलाई भोट हालौं, जेठ १ गतेदेखि पछुताएर केही हुनेवाला छैन -प्रतिक ढकाल

धेरै साथीहरुले निराशाजनक टिप्पणी गर्दै लेखेको/बोलेको देखिन्छ - "सबै पार्टीहरु उस्तै हुन् । जुन जोगी आए पनि कानै चिरेको" इत्यादि ।तपाईको यो भनाइसंग केही हदसम्म म आफैं पनि सहमत छु तर पूरै हदसम्म होइन । हो, सबै पार्टीमा केही असल मान्छेहरु पनि छन् तर ती अल्पमतमा परेका छन् र नेतृत्वसंग टक्कर लिन नसकेर खुम्चिएर बसेका छन् ।कुन चाहि निष्ठावान कांग्रेसीलाई अहिलेको यो भाँडभैलो, न्यायको तेजोबध र यो लम्पसारवाद मन परेको होला र ? तर ती सबैको निष्ठा र बीपीको आदर्श अवसरवादी कांग्रेसीजनका अघाडि निरिह साबित भएको छ ।हिजो सशस्त्र युद्धकालमा सबैभन्दा पीडित तिनै दूरदराजका कांग्रेसीहरु थिए तर आज एउटा अदृश्य शक्तिले तिनै गर्धन थाप्ने र मार हान्ने दुई शक्तिलाई एउटै कित्ता र 'बराबरी' को हैसियतमा उभ्याएको छ । चुनाब स्थानीय तहको हुदैछ, तर उम्मेदवारी परेको छ दिल्लीको स्वार्थको ।प्रतिस्पर्धाका बाकस थापिएका छन् -नेपाललाई एउटा स्वाधीन राष्ट्रको रुपमा राख्ने कि 'मालिक' को जिम्मा लगाउने भन्ने पक्षहरुका बीचमा । यो देश कसको हो ? निर्णय हामी आफैंले गर्न पाउने कि नपाउने ? भन्ने दुई कित्ताका बीचको ।देशलाई माया गर्नु अब अघोषित रुपमा एउटा 'अपराध' साबित हुदै गएको छ । देश पूरै माफियाले चलाएको छ । हामी बाघ, गैंडा,सालक संरक्षणका कुरा गर्छौं – तर अब त सबै कुरा छोडेर देश संरक्षण गर्नु पर्ने बेला आइसकेको छ ।देश छ र नै हाम्रो अस्तित्व छ, तर अब त देशै जिम्मा लगाउन आतुर शक्ति पनि सानो छैन । तिनीहरुसंग पद, पैसा, पावर सबैथोक छ । ती त भोलि पनि कतै गएर टापू किनेर बस्लान, जसरी मार्कोस बस्यो तर हामी सर्वसाधारण मान्छे कता जाने ?त्यसैले यस्तो संगीन बेलामा सबैलाई एउटै नदेखौं ।यो स्थानीय निर्वाचन हो – त्यसैले आफ्नै गाउँ, टोल र नगरलाई माया गर्ने मान्छेलाई भोट हालौं; यो देशलाई माया गर्ने मान्छेलाई भोट हालौं । भावी सन्ततिलाई पनि यो सगरमाथाको देश स्वतन्त्र र स्वाधीन नै हस्तान्तरण गर्ने सोच भएका व्यक्तिलाई जिताउन हामी सबै लागौं ।चुनाब अन्धो पनि हुन्छ । १०० जना दाजुभाइको शक्ति भएर पनि 'कौरव' को बिनाश किन भयो ? एउटै कारण हो- ती लाछी ९९ ले कहिल्यै स्वेच्छाचारी दुर्योधनलाई ललकार्ने हिम्मत गरेनन् । त्यो एउटैले बाँकी ९९ लाई समेत डुबायो ।यदि बाँकी ९९ ले सही चिन्हमा भोट हालेका भए शायद दुर्योधन पनि सच्चिन्थ्यो होला । पाण्डव संख्याका हिसाबले ५ मात्रै थिए तर सत्यका पक्षधर भएका कारणले भगवानको समेत साथ पाए ।आफ्नो निहित स्वार्थ पूर्तिका लागि जुन शक्तिले बहालवाला प्रधान न्यायाधीशलाई समेत गलहत्याउन सक्छ, त्यसैले तपाईलाई माया गर्छ भन्ने सोच्नु भएको छ भने त्यो एउटा मीठो भ्रम बाहेक अरु केही हुने छैन । तसर्थ आजै सोचौं – तपाईको मालिक तपाई नै हो ।सबैको कुरा सुन्नोस तर भोट हाल्न बन्दकोठामा पुगिसकेपछि एक पटक छातीमा हात राखेर र मनमा नेपाल आमालाई सम्झेर मात्र छाप हान्नुहोला । कतै तपाईको अमूल्य भोट देश विचलनको लाइसेन्स नबनोस । त्यसपछि त के हुन्छ र ? जेठ १ गतेदेखि पछुताएर केही हुनेवाला छैन ।

देशलाई माया गर्ने मान्छेलाई भोट हालौं, जेठ १ गतेदेखि पछुताएर केही हुनेवाला छैन -प्रतिक ढकाल

प्रतिक्रिया

सम्बन्धित खवर

महाकुम्भ मेला मेरो अनुभव–श्रीकृष्ण आचार्य

माडी दरबार क्षेत्रको उत्खनन र संरक्षणका लागि पहल आवश्यक

विचारः महिलाप्रधान पर्व तीज किन मनाउने ?

ताजा समाचार

वन क्षेत्र अतिक्रमण गरेर बनेका दुई घर हटाइयो, सात रोपनी जग्गा पुनः वन बनाइने

तारकेश्वर गाउँपालिकाको नीति तथा कार्यक्रम सर्वसम्मतिले पारित

कक्षा १२ को नतिजा केही दिनमै आउने

लिखु गाउँपालिकाको केन्द्र गड्खारमा सार्ने निर्णय बहुमतले पारित

एसईईको नतिजा असारको तेस्रो सातासम्ममा सार्वजनिक गर्ने तयारी

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता