डिपिएल क्रिकेटमा रुपन्देहीले अत्तरियालाई ४२ रनले हरायो

<p><span style="line-height: 1.42857;">काठमाडौं ।&nbsp;</span><br></p><p><br></p><p>धनगढी प्रिमियर लिग (डिपिएल) क्रिकेटमा रुपन्देही च्यालेन्जर्सले लगातार दोस्रो जित दर्ता गरेको छ । लिग अन्तर्गत बुधबार भएको खेलमा रुपन्देहीले सिवाइसी अत्तरियालाई ४२ रनले हराएको हो ।</p><p><br></p><p>एक सय ३० रनको लक्ष्य पछ्याएको अत्तरियाले दुई बल बाँकी हुँदा सबै विकेट गुमाएर ८७ रन मात्रै बनायो । उसका लागि कप्तान ज्ञानेन्द्र मल्ले ३० तथा विनोद लामाले १८ रन बनाउनु बाहेक अरुले दोहोरो अंकमा रन बनाउन सकेनन् । रुपन्देहीका शाहब आलमले चार तथा बिक्रम सोबले दुई विकेट लिए ।</p><p><br></p><p>यसअघि पहिले ब्याटिङ गरेको रुपन्देहीले निर्धा्रित २० ओभरमा ६ विकेटको क्षतिमा एक सय २९ रन बनायो । उसका लागि राजेश मगरले ३१, प्रकाश केसीले नटआउट २९ तथा पुष्प थापाले २१ रन बनाए ।</p><p><br></p><p>सिवाइसीका प्रदिप ऐरी र विनोद लामाले समान दुई दुई विकेट लिए । लगातार दुई खेल जितेको शक्ति गौचन कप्तान रहेको रुपन्देही चार अंकसहित शीर्ष स्थानमा छ । दुई अंकसहित सिवाइसी तेस्रो स्थानमा छ ।</p><p><br></p><p>त्यस्तै लिग अन्तरगत दोस्रो खेलमा काठमाडौं गोल्डेन्सले विराटनगर किंग्सलाई ८६ रनले हराएको छ । १ सय ७४ रनको लक्ष्य पछ्याएको विराटनगर किंग्स ८७ रन बनाउँदा १९ औँ ओभरमा अल आउट भएको हो ।&nbsp;</p><p><br></p><p>विराटनगरका अमित श्रेष्ठले १३ बलमा ३ रन, आशिफ शेखले १३ बलमा २ रन, राकेश कर्णले १० बलमा २ रन मात्र बनाए । यस्तै दिपेन्द्र सिंह ऐरी २४ बलमा ३१ रन बनाउँदा सन्तोष भट्टको बलमा बोल्ड आउट भए । कप्तान शरद भेषावकरले १६ बलमा १३ रन बनाए । काठमाडौंका सन्तोष भट्टले तीन, भुवन कार्की र बसन्त रेग्मीले दुई दुई साथै मञ्जित श्रेष्ठ र सोमपाल कामीले एक एक विकेट लिए । &nbsp;</p><p><br></p><p>यसअघि टस जितेर ब्याटिङ गरेको काठमाडौंले निर्धा्रित २० ओभरमा ५ विकेट जाँदा १ सय ७३ रन बनाएको थियो । काठमाडौंका लागि नरेश बुढाएरले २२ बलमा १३ रन, सुभेन्दु पाण्डेले २५ बलमा २७ रन, बसन्त रेग्मीले २४ बलमा ३० रन, सुमित महर्जनले २७ बलमा अविजित ४४ रन साथै सोमपाल कामीले २० बलमा ३९ रन बनाएका थिए । विराटनगरका लागि शरद भेषावकरले दुई साथै सुशील कँडेल र सन्दिप लामिछानेले एक एक विकेट लिए ।</p><div><br></div>