'सबै देशभक्त शक्ति एकताबद्ध बनेर अघि बढ्न पूर्व राजा ज्ञानेन्द्रको आग्रह'(विज्ञप्ती सहित)

काठमाडौं,चैत ३० । पूर्व राजा ज्ञानेन्द्र शाहले नयाँ वर्ष २०७३ को अवसरमा शुभकामना सन्देश दिनुभएको छ । मंगलवार एक विज्ञप्ती जारी गर्दै सम्पूर्ण नेपालीहरुलाई शुभकामना सन्देश दिनु भएको हो । शुभकामना सन्देशमा देश कमजोर अवस्थामा पुगिसकेको सबै देशभक्त शक्ति एकताबद्ध बनेर अघि बढ्न आवश्यक रहेको बताएका छन् ।

देश कता जांंदैछ, समाजको मनोदशा के छ, हाम्रो साझा र सहि मार्ग चित्र के हुनुपर्दछ, कसको के कस्तो त्याग र योगदान छ, कसको के कस्तो महत्व र मान्यता छ अनि क(कसको कस्तो अर्गेल्याइंछ भन्ने विषयलाई वर्तमान अवस्थामा सवैले बुझिसकेकाले सबैलाई एक जुट हुन । उहाँले अग्रह गर्नु भएको हो ।

विज्ञप्तिको पूर्ण पाठ 
पूर्व श्री छ महाराजाधिराज ज्ञानेन्द्र वीर बिक्रम शाहदेवबाट नव वर्ष २०७३ को उपलक्ष्यमा बक्सेको शूभकामना । 
नेपाली दिदीबहीनी तथा दाजूभाइहरु, 
२०७२ लाई विदाई गरेर हामी विक्रम सम्वत् २०७३ मा आईपूगेका छौ । नववर्षको शूभागमनको उपलक्ष्यमा म देश विदेशमा रहेवसेका समस्त नेपालीहरुमा सूख, शान्ति, समून्नतीको लागि कामना गर्दछू । विक्रम सम्बतले मिती, तिथी र नेपाली संस्कृतीलाई जोडेको हून्छ । हाम्रा राट्रिय मान्यताहरु ९धर्म, संस्कृती, भाषा, इतिहास र सभ्यता विपरित प्रहार भईरहेको वर्तमान अवस्थामा हाम्रा पूर्खाले सूम्पीएको धरोहरहरु आफ्ना सन्ततीलाई कसरी हस्तान्तरण गर्न सक्छौ भन्ने प्रश्न अहिले अझ पेचिलो वन्दै छ ।

त्यसका लागी दक्षिण एसियाको भुराजनितिक सम्वेदनशिलता र शक्ति सन्तूलनको हेक्का राख्न जरुरी छ । हामी को थियौं, कहां थियौं, अहिले कून स्थितीमा छौं , देश कता जांंदैछ, समाजको मनोदशा के छ, हाम्रो साझा र सहि मार्ग चित्र के हुनुपर्दछ, कसको के कस्तो त्याग र योगदान छ, कसको के कस्तो महत्व र मान्यता छ अनि क(कसको कस्तो अर्गेल्याइंछ भन्ने विषयलाई वर्तमान अवस्थामा सवैले बुझिसकेका छन् । राज्य संयन्त्रलाई व्यक्तिगत लाभमा दूरुपयोग गर्ने शासकीय शैलीले नेपाल कमजोर भैसकेको छ ।

राष्ट्रसम्बन्धी अवधारणा कमजोर भएको, क्षेत्रीय तथा भुमण्डलीय राजनिती नयाँ चरणमा प्रवेश गर्न थालेको अहिलेको सन्दर्भमा नेपालीको चिन्ता र अगस्ती नेतृत्वको तृष्णाबीचको फाटो नोक्सानदायी भैसकेकोछ । त्यसैले स्वदेशको माटोमा दह्रोसंग खूटृा टेक्ने र नेपाललाई नेपालीत्व, आफ्नो मौलिक अस्तित्व र नेपालकै आफ्नो स्वाधिन प्रमुख रहोस् भन्ने भावनावाट प्रेरित सबै देशभक्तहरुलाई समेटेर अगाडि बढ्नू आवश्यक भैसकेको छ ।

आफ्नो भाषा, इतिहास र धर्म संस्कृतीहरु देशका आधार हून् भन्ने विषयलाई मनन् गर्दैै स्वदेश हेरेर मात्र विदेश हेरौं, स्वदेश चिनेर मात्र विदेश चिनौं, स्वदेश मानेर मात्र विदेश मानौं र स्वधर्म बूझेर मात्र परधर्म बूझौं यहि मेरो शूभकामना । 
श्री पशुपतीनाथले हामी सबैको कल्याण गरुन । 
जय नेपाल ।