अप्रत्यासित नतिजा निकाल्दै बार्सिलोना क्वाटरफाइनलमा प्रवेश

<p>काठमाडौं, फागुन २६ &nbsp;। स्पेनिस क्लब बार्सिलोना &nbsp;अप्रत्यासित नतिजा निकाल्दै च्याम्पियन्स लिग फुटबलको क्वाटरफाइनलमा प्रवेश गरेको छ । बुधबार राति घरेलु मैदानमा भएको दोस्रो लेगमा फ्रेन्च लिग क्लब पेरिस सेन्ट जर्मेन (पिएसजी) लाई ६–१ ले पराजित गर्दै समग्रमा ६–५ को जितसहित बार्सिलोनाले क्वाटरफाइनलमा स्थान बनाएको हो । पिएसजीको घरेलु मैदानमा भएको पहिलो लेगमा बार्सिलोना पिएसजीसँग ४–० ले हारेको थियो । तर, बार्सिलोनाले घरेलु मैदानमा भएको दोस्रो लेगमा उत्कृष्ट पुनरागमन गर्यो । र, च्याम्पियन्स लिगको अन्तिम ८ मा स्थान बनायो ।</p><p>दोस्रो लेगमा पुनरागमन गरेको बार्सिलोनाले च्याम्पियन्स लिग फुटबलमा इतिहासमा समेत नाम लेखाउन सफल भयो । बार्सिलोनाले अन्तिम १६ को पहिलो लेगमा ४–० को फराकिलो हार बेहोरेपनि दोस्रो लेगमा पुनरागमन गर्दै अन्तिम ८ मा पुग्ने टोलिको इतिहा बनाएको हो । घरेलु मैदान क्याम्प नाउमा भएको खेलमा बार्सिलोनालाई शानदार जित दिलाउन नेइमारले दुई तथा लियोनल मेस्सी, लुइस स्वारेज र सर्गी रोबर्टोले गोल गरे । पिएसजीका लेविन कुर्जावाले आत्मघाती गोल गरे ।</p><p>पिएसजीका लागि एडिसन काभानीले एक गोल फर्काएपनि टोलीको हार टार्न सकेनन् । पाहुना टोलीमाथि हावी भएको बार्सिलोनाले खेलको तेस्रो मिनेटमा नै स्वारेजको गोलबाट सुरुवाती अग्रता लिएको थियो । ४० औं मिनेटमा पीएसजीका कुर्जावाले गरेको आत्मघाती गोल गरेपछि बार्सिलोनाले पहिलो हाफमा २–० को अग्रता बनायो ।<br></p><p>दोस्रो हाफमा पनि बार्सिलोनाको गोल क्रम रोकिएन । खेलको ५० औं मिनेटमा पाएको पेनाल्टीको अवसरलाई सदुपयोग गर्दै मेस्सीले बार्सिलोनाको लागि तेस्रो गोल गरे । ६२ औं मिनेटमा काभानीले पिएसजीका लागि एक गोल फर्काए । तर, खेलको ८८ औं र ९१ औ मिनेटमा गरी नेइमारले दुई गोल गर्दै बार्सिलोनाको अग्रता ५–१ मा पुर्याए &nbsp;।<br></p><p>त्यसपछि खेलको इन्जुरी समयको अन्तिम सययम सर्गीले गोल गर्दै बार्सिलोनालाई ६–१ को जित दिलाए । र, बार्सिलोनाले पिएसजीमाथी पहिलो लेगमा भोगेको खराब हारको बदला लिँदै समग्रमा ६–५ को जितसहित च्याम्पियन्स लिगको क्वाटरफाइनलमा स्थान पक्का बनाउन सफल भयो । च्याम्पियन्स लिगको इतिहासमा यसअघि पहिलो लेगमा व्यहोरेको ४–० को हार व्यहोरेको कुनै पनि टिम दोस्रो लेगमा पुनरागमन गर्दै अघिल्लो चरण पुगेको थिएन ।<br></p>