नेपालमा १४ खर्व लगानी गर्न लगानीकर्ताको प्रतिबद्धता

<p>काठमाडौं ।<br>राजधानीमा आयोजत दुई दिने ‘नेपाल लगानी सम्मेलन’ करिब १४ खर्बको लगानी प्रतिबद्धतासहित सम्पन्न भएको छ । <br><br>वैदेशिक लगानी भित्र्याउने उद्देश्यले आज आयोजित सम्मेलन समापनका अवसरमा पत्रकार सम्मेलनमा उद्योगमन्त्री नवीन्द्रराज जोशीले सम्मेलनमा सहभागी लगानीकर्ता नेपालमा लगानी गर्न उत्साहित रहेको बताउनुभयो । <br><br>उहाँले प्राप्त प्रतिबद्धतालाई कार्यान्वयनमा ल्याउने विश्वास व्यक्त गर्दै उद्योग मन्त्रालयले त्यसका लागि निरन्तर पहल गर्ने र लगानीकर्ताको सम्पर्कमा रहने बताउनुभयो । <br><br>उद्योग मन्त्रालय, लगानी बोर्ड र राष्ट्रिय योजना आयोगको संयुक्त आयोजना तथा निजी क्षेत्रको सहयोगमा भएको सम्मेलनमा वैदेशिक लगानी आकर्षित गर्न सरकारले अघि बढाएका नीतिगत, प्रशासनिक एवम् कानुनी सुधारका प्रयासका बारेमा सहभागीलाई जानकारी दिइएको थियोे । <br><br>सम्मेलनमा सबैभन्दा बढी चिनियाँ लगानीकर्ता सहभागी थिए । उनीहरुले आठ खर्ब ३० अर्ब रुपैयाँको लगानी गर्ने प्रतिबद्धता समेत व्यक्त गरेका छन् । <br><br>त्यसैगरी बङ्गलादेशबाट सहभागी भएका लगानीकर्ताले दुई खर्बभन्दा बढी नेपालमा लगानी गर्ने विश्वास दिलाएका छन् । <br><br>त्यसैगरी भारतका लगानीकर्ताले ३१ अर्ब ७० करोडको लगानी गर्ने विश्वास दिलाएका छन् भने जापान र बेलायतबाट सहभागी लगानीकर्ताले एक÷एक खर्बको लगानी गर्ने प्रतिबद्धता व्यक्त गरेका छन् । <br><br>सम्मेलनमा श्रीलंका, मलेसियालगायतका देशका लगानीकर्ताले नेपालमा लगानी गर्न इच्छा व्यक्त गरेका छन् । <br><br>लगानी बोर्डका प्रमुख कार्यकारी अधिकृत महाप्रसाद अधिकारीले सम्मेलनमा सहभागी लगानीकर्ताबाट आएको प्रतिबद्धतालाई कार्यान्वयनमा लैजाने वातावरण बनाउने विश्वास दिलाउनुभयो । <br><br>सम्मेलनमा उर्जा, पूर्वाधार, पर्यटन, सूचना प्रविधि, वित्तीय क्षेत्र, खानी तथा खनिज, कृषि तथा वनजन्य उत्पादन लगायतका क्षेत्रसँग सम्बन्धित विभिन्न विषयगत शत्रमा छुट्टाछुट्टै कार्यपत्र प्रस्तु गरियो । <br><br>सरकारले नेपालको आर्थिक विकासको मेरुदण्ड मानिएको नौ क्षेत्रमा केन्द्रित गरेर आयोजना गरिएको सम्मेलनबाट एक खर्ब लगानीको प्रतिबद्धता आउने विश्वास लिएको थियो । <br><br>सहभागितका लागि भारत, चीन, बंगलादेश, श्रीलंका, सिंगापुर, हङकङ, मलेशिया, अष्ट्रेलिया, फ्रान्स, इटाली, जापान, अमेरिका, रुस, क्यानडा, बेलायत, दक्षिण कोरिया, फिनल्याण्ड, इरान, टर्की लगायत दुई दर्जन मुलुकका झण्डै २५० संस्थागत तथा व्यक्तिगत लगानीकर्ताको सहभागिता थियो । <br><br></p>