राष्ट्रिय क्रिकेट टोली अभ्यास खेलमा ४० रनले बिजयी

<p>काठमाडौं ।<br>विश्व लिग च्याम्पियनशिपको तयारीका लागि भारतमा रहेको नेपाली राष्ट्रिय क्रिकेट टोलीले आफ्नो तेस्रो अभ्यास खेलमा नोयडा वानडर क्रिकेट क्लबलाई ४० रनले पराजित गरेको छ ।<br><br>ग्रेट नोयडा स्थित, गौतम बुद्ध विश्वविद्यालयको मैदानमा बिहिबार भएको तेस्रो खेलमा पहिलो ब्याटिङ्ग गर्दै नेपालले निर्धारित ५० ओभरमा ४ विकेटको क्षेतीमा २ सय ४८ रन बनाएको थियो ।<br><br>नेपालका शुरुआती ब्याट्स् म्यान शुनिल धमलाले सर्वाधिक ७४ रनको योगदान गर्दै अर्ध शतक पुरा गरेका थिए । <br><br>प्रतिउत्तरमा नोयडा वानडर क्रिकेट क्लबले ४७.२ ओभरमा २ सय ८ रन बनाउँदा सबै विकेट गुमाउन पुग्यो ।<br><br>नेपालका बलर सोमपाल कामीले सर्वाधिक ३ विकेट लिएका थिए ।<br><br>नेपाल पहिलो खेलमा भने राजवाडा संग ४७ रनले पराजित भएको थियो भने राजवाडा संगै भएको दोस्रो खेलमा नेपाल ८३ रनले विजयी भएको थियो ।<br><br>विश्व लिग चयाम्पियनशिप अन्तर्गत नेपालले क्यन्या संग यहि फागुन २८ र ३० गते कीर्तिपुरमा दुई वटा खेल खेल्ने छ ।<br><br><br></p>