अर्जुन बराल-सोल,चैत २१ । गत बैसाख १२ गते शनिबार पूर्ब–दक्षिण—पूर्ब गोरखाको बारपाकलाई केन्द्रबिन्दु बनाई गएको ७.८ रेक्टर स्केलको भुकम्पले नेपाल सरकारको प्रारम्भीक जानकारी अनुसार सातहजार भन्दा बढीको संङख्यामा नेपाली हताहती भएको देखाउँछ भने खरबौ मुल्य बराबरको भौतिक संरचना ध्वस्त भएको र हजारौको संङख्यामा नेपाली नागरिक अंगभंग भएका थिय ।

भूकम्प पिडितहरुको निम्ति राहत, उद्दार, पुर्नस्थापना, क्षतिग्र्रस्त संरचनाहरुलाई पुरानै अबस्थामा फर्काउनका लागि प्रधानमन्त्री दैबि प्रकोप उद्दार कोषमा स्वदेश एंवम नेपाल सरकारका बिदेशमा रहेका बिभिन्न कुटनीतिक नियोग, प्रबाशमा रहेर बिभिन्न पेशा ब्यबसाय अंगालेका नेपाली समुदाय लगायत बिभिन्न सामाजिक संघसंस्थाबाट करोडौ डलर जम्मा भएको थियो । जसमध्ये बिदेशमा रहेका नेपाल सरकारका कुटनीतिक नियोग मध्ये दक्षिण कोरिया स्थित नेपाली दुतावासले पनि कोरियन एक्सचेन्ज बैङ्क(केईबि) मा अर्थक्वेक रिलिफ फन्ड नामक खाता नं. ६११–०२५९३३–९७९ खोली आर्थिक संकलन गरि प्र्रधानमन्त्री दैबि प्र्रकोप उद्दार कोषमा पठार्र्ईएको सहयोग रकम र दुतावासबाट पठाईएको भनिएको रकम सम्बन्धी बिबरण फरक परेकोे पत्ता लागेको छ ।

जब बैसाख १२ गते प्राकृतिक प्रकोप १९९० पछिको दोस्रो महाभुकम्प गयो त्यसको दुईदिन पछि अर्थात बैसाख १४ गते सोमबार प्र्र्रधानमन्त्री दैबी प्र्रकोप उद्दार कोषमा सर्बप्रथम सत्यनारायण केयलबाट नेपाली दुई लाख रुपैयाँ जम्मा भयको थियो भने सबैभन्दा पहिला नेपाल सरकारका बिदेशमा रहेका कुटनीतिक नियोग मध्ये नेपाली दुतावास कोरियाले बैसाक २४ गते १,८२,२२९ अमेरिकी डलर अर्थात नेपाली रुपैयाँ १,८४,६८,९८१ जम्मा गरेको थियो जस मध्ये दुतावासमा कार्र्यरत पाँचजना डिप्लोम्याट कर्मचारीबाट एकमहिना बराबरको तलब सहयोग गरिएको भनिएको छ ।

दुतावासले आफनो वेभसाईटबाट सार्बजनिक गरेको बिभिन्न सामाजिक संघसंंस्थाको सहयोग मार्फत दुतावासको माध्यमबाट नेपाल पठाईएको अत्याबश्यक राहत सामाग्रीमा ३०,६६१ युनिट बराबर ब्ल्याकेट,ग्लोभ्स्,औषधी,स्मार्टफोन,म्याट्रेस रहेका छन् भने ९९,१९९ के.जी.दुधपाउँडर,टेन्ट,म्याट,कपडा,जुत्ता,औषधी लगायतका ५,३२,१४,५१,५५० कोरियन वोन मुल्यबराबरका सामाग्री एयरलाईन्स एंवम पानीजहाज मार्फत नेपाल पठाएको देखाईएको छ ।

तर देशको प्र्रतिनिधित्व गर्ने दुतावासले सार्बजनिक गरेको आर्थिक बिबरण किन सत्य छैन त ? यस बिषयमा छानबिन हुँन जरुरी छ । हेरौ प्रधानमन्त्री दैबी प्रकोप उद्दार कोषमा नेपाली दुतावास कोरियाबाट जम्मा भएको आर्थिक बिबरण:—

नेपाली दुतावासले हालसम्म आठ पटक सम्म प्रधानमन्त्री दैबीप्रकोप उद्दार कोषमा सत्रलाख बत्तिस हजार पाँच सय एकानब्बे डलर अर्थात सत्र करोड उननसत्तरी लाख पन्ध्र्रहजार चार सय पचासी रुपैयाँ एकानब्बे पैसा जम्मा गरेको देखिन्छ तर दुतावासले भने जम्मा सोह्र लाख अठहत्तर हजार छ सय एकतीस् डलर जम्मा गरेको देखाएको छ । हेरौ भुकम्प पिडीतका लागि नेपाली राजदुतावास दक्षिण कोरियाबाट संकलीत भई प्र्र्रधानमन्त्री दैबी प्रकोप राहत कोषमा पठाईएको रकम सम्बन्धी बिबरण जसलाई दुतावासले आफनो वेभसाईट मार्फत सार्बजनिक गरेको छ :—

korea m

यसरी यि दुबै तथ्याङ्क हेर्र्दा प्रधानमन्त्री दैबी प्रकोप राहत कोषमा नेपाली दुतावास दक्षिण कोरियाले २९ पौष २०७२ मा जम्मा गरिएको भनिएको छ्यालीस हजार बयालीस् डलर कहि कतै देखिदैन भने दुतावासको वेभसाईटमा पनि २०७२ साउँन १४ गते प्रधानमन्त्री दैबी प्रकोप राहतकोषमा जम्मा गरिएको एकलाख डलर कहि उल्लेख गरिएको देखिदैन ।

यसैलाई आधार मान्ने हो भने कुन र के कति कारणबाट फरक गर्न गयो त त्रिपन्न हजार नौ सय साठ्ठी डलर ? यस बिषयमा हामीले यो कोषमा अब के कति बाँकी छ त्यसको बिषयमा बुझन महामहिम राजदुत कमानसिंह लामा सँग सम्र्पक गर्दा उहाँले द्धितिय सचिब सँग बुझन आग्रह गरेसँगै हामीले उहाँलाई सम्र्पक गरि जानकारी माग्दा उहाँले दुतावासको बेभसाईटमा रहेको तथ्याङ्कनै आधिकारिक रहेको र फन्ड खाली रहेको जानकारी दिए सँगै हामीले एकलाख डलर जम्मा गरेको देखिन्छ भन्दा यो होईन सायद उतैबाट फरक परेको हो कि बरु आधिकारीक बुझन दुतावासमा लिखित निबेदन दिए सँगै बताउँन सकिने जानकारी दिनुभयो तर प्रधानमन्त्री दैबी प्रकोप राहतकोष सबैले हेर्न सकिने र जानकारी माग्दा सजिलै प्राप्त गर्न सकिन्छ भने नेपाली दुतावास दक्षिण कोरियाले जानकारीका निम्ति लिखित निबेदन किन माग्दै छ ?

आखिर जम्मा नै नभएको रकम प्रधानमन्त्री दैबी प्रकोप राहत कोषमा देखिने अनि जम्मा गरिएको भनिएको रकम नदेखिएको बिषयमा हामीले सम्बन्धीत क्षेत्रमा जानकारी लिनका लागि प्रधानमन्त्री तथा मन्त्री परिषद कार्यालयका प्रबत्ता एंवम सहसचिब बिनोद बहादुर कुँवर सँग फरक परेको एमाउन्टको बारेमा उहाँलाई टेलिफोन सम्र्पक गर्दा उहाँ भन्नुहुन्छ यो कसरी फरक परयो त,फरक त पर्र्नु नपर्ने ? हामीबाट त्रृटीहुँने कुरा हुँदैन जम्मा गरिएको भनेको रकम देखिन्छ नगरे देखिन्न । तपाईहरुले गम्भिर बिषय उठान गरिदिनुभयो यसबिषयमा म आबश्यक छलफल र अनुसन्धान गर्ने छु उहाँले प्रतिक्रिया दिनुभयो ।