८ बर्षदेखी बेपत्ता बहिनि खोज्न दिदिको मनछुने पत्र, दुतावास र जापानी प्रहरी के गर्दैछ ?

<p>टोकियो ।<br>आफ्नो परिवारका सदस्य केही घण्टामात्रै बेखवर हुँदा हामी चिन्तित हुन्छौं । एक रात बेखवर भए हामी सोध्न र खोज्न कतै बाँकी राख्दैनौं ।</p><p>कल्पना गर्नुस् ८ बर्षसम्म परिवारको एक सदस्य बेखवर बेपत्ता हुँदा परिवारका सदस्य कति पिडा, हैरानी र भेटको प्यासमा तड्पिएको होला ?<br><br>त्यस्तै पिडाले तड्पिएको छ विगत ८ बर्षदेखी ललितपुरको बिना महर्जन परिवार । अध्ययनको लागि जापान पठाएकी छोरी सबिना बेखवर सम्पर्क बिहिन बनेपछि उनको खोजि जापानमै आएर परिवारजनले गर्यो ।</p><p>प्रहरी, प्रशासन, दुतावास, संघसंस्था, आफन्त, चिनेजानेका मात्र हैन नचिनेका सबैसँग गुहार माग्यो बेपत्ता सबिनाको पत्तो लगाइदिन । तर दुखद कुरा अहिलेसम्म कसैले पत्तो लगाउन सकेको छैन ।</p><p>अझ भनौं पत्तो लगाउन खास पहल नगर्दा पिडा बल्झंदै र याद झन ताजा बन्दै जाँदा दिदि बिना महर्जनले केही झिनो आसा राख्दै जापानमा रहेका सहित सबै नेपालीमा आफ्नो पिडा र जिज्ञासा यस्तो राख्नुभएको छ ।<br><br><b>नमस्ने सबै दुतावासको माननियजन</b>,<br>म बिना महर्जन सबिनाको दिदी । सबिना हराएको ८ बर्ष हुँदा खेरी पनि अहिलेसम्म केही खवर आएको छैन । एम्बेसीलाई कति निबेदन पठाइसक्दा पनि अहिलेसम्म सबिना नपाउनु के प्रहरी र एम्बेसीको कमजोरी हैन ?</p><p>हामी सबिना भेट्छौं भन्ने आसैआसमा कति पिडा सहेर बसेका छौं । मेरो परिवार पनि यो कारणले गर्दा टुटिसक्नुभयो । कृपयाँ जसो टसो गरेर सबिनालाई खोजिमा सक्रियता गर्नुपर्यो । यस्तो बिकसीत देशको टेक्नोलोजि अनुसार यसरी त ढिला नहुनुपर्ने । आखिर कति मात्र कुरेर बस्ने ? कृपयाँ तपाईहरुले खोजि गर्न लगाएर हो अथवा अन्य प्रक्रियाले खोज तलासि गरिदिनुपर्यो ।<br><br>हामी प्रहरीलाई फोन गरेपनि खोजिराको छ भन्छ । आखिर यति ढिलो किन ? यदि जापानकै नागरिक हराएको भए यसरी सुस्त तरिकाले अनुसन्धान हुन्नथियो होला । यो केसमा पक्कै सड्यन्त्र छ । बिन्ति छ अब त हाम्रो मर्का बुझेर मेरो बहिनिलाई खोजेर नेपाल पठाइदिनुपर्यो ।<br><br>कृपयाँ सबिनाको खोजिको लागि हामीलाई सहयोग गरिदिनुहोला<br>बिना महर्जन<br></p><h3><a target="_blank" href="https://topnepalnews.comjapan/6473">तिमि कहाँ छ्यौ सबिना ? ८ वर्ष देखि जापानमा बेपत्ता यि चेलीलाई भेट्नु भएको छ !</a><br></h3>