गायम यमबुद्धद्धारा आत्महत्या ! परिवारका सबै प्रहरी नियन्त्रणमा (भिडियो सहित)

<p></p><p>लण्डन ।<br>नेपाली युवामाझ लोकप्रिय र्यापर तथा पप गायक यमबुद्धका नामले चिनिएका अनिल अधिकारी मृत भेटिएका छन् ।<br><br>समाचार अनुसार शौचालयमा मृत भेटिएका यमबुद्धले आत्महत्या गरेको ठानिएको छ ।</p><p>यमबुद्ध शौचालयमा मृत भेटिएको र उनले आत्महत्या गरेको उनका परिवारका सदस्यहरुले बताएको बिबिसी नेपाली सेवाका भगिरथ योगिले बताएका छन् । </p><p>यसको पुष्टि हुन भने बाँकी रहेको छ ।<br><br>धरानमा जन्मिएका यमबुद्ध सपरिवार पछिल्लो समय लण्डनमा बस्दै आएका थिए । एकादेश, पागलपन, अन्त्यको सुरुवात, फुटपाथमा मेरो घर लगायत दर्जनौं गित लोकप्रिय छन् ।</p><p>उनले पछिल्लो समय हलिउड र बलिउडका गायकहरुसँग मिलेर समेत म्युजिक भिडियो बनाएका थिए ।</p><p>र्याप र पपगितमा मात्र सिमित रहेपनि यमबुद्धले प्रेम र आधुनिकसँगै परिवर्तन, सचेतना तथा अनाथहरुमा केन्द्रित रहेर आफ्ना गित रचनाहरु गाउने गरेका थिए ।<br><br>गायक यमबुद्धको निधनको खवरले सामाजिक सञ्जालमा उनका फ्यान तथा कलाकारिता क्षेत्रका व्यक्तिहरुले आश्चर्य व्यक्त गर्दै श्रद्दाञ्जली व्यक्त गरिररहेका छन् ।</p>

<p></p><p>परिवारका सदस्यहरुले यमबुद्ध बिहान ३ बजे मृत अवस्थामा शौचालयमा भेटेको बताएका छन् ।<br><br>२९ बर्षिय युवा गायक यमबुद्धको शव हाल नर्थविच पार्क अस्पतालमा राखिएको र पोष्टमार्टम हुन बाँकी रहेको बताइएको छ ।<br><br>प्रहरीले यमबुद्धका परिवारका सदस्यहरुसँग सोमबार मात्रै सम्पर्क गर्न सकिने भन्दै नियन्त्रणमा लिएकाले थप जानकारी आउन सकेको छैन ।<br><br>परिवारका सदस्यहरुले यमबुद्धको मृत्यु आत्महत्या भनेकाले पोष्टमार्टम रिपोर्ट नआउनुअघिसम्म आत्महत्या नै भएको आशंका गरिएको छ ।<br><br>तर त्यहाँको प्रहरीले भने आत्महत्यामा आशंका व्यक्त गर्दै सबैलाई नियन्त्रणमा लिएर अनुसन्धान गरिरहेकाले मृत्युको खास कारण पुष्टि भएको छैन ।<br></p>