सरकारकाे १२ बुँदे ड्राफ्ट फर्कियाे, डा.केसीले राखे नयाँ अडान,अनसन नताेड्ने

<p>काठमाडौं,मंसिर १८ । अनशनरत डा गोविन्द केसी भोलीमात्र अनशन तोड्ने भएका छन् । केसी र सरकारी पक्षबीच सम्झौताको अन्तिम मस्यौदा तयार भएपनि केसीले सम्झौता पत्रमा भने भोली बिहानमात्र हस्ताक्षर गर्ने अडान लिएपछि अनशन तोड्ने अन्योलमा परेको छ ।&nbsp;<br></p><p><br></p><p>डा केसी पक्षधर र सरकारी टोलीले तय गरेका १२ बुँदामा केसीले केही कुरा थप गरेपछि सहमतिमा हस्ताक्षर हुन ढिलाई भएको हो । वार्ता टोलीका सदस्यहरुले आजै अनसन तोड्न केसीलाई आग्रह गरेपनि उनले ‘म एकैदिनमा मर्दिन त्यसैले एक नम्बरको मागमा थप छलफल गर्नुहोस् अनि भोली हस्ताक्षर गरौंला’ भनेको वार्ताटोलीका एक सदस्यले बताए ।&nbsp;</p><p><br></p><p>उक्त सहमतिलाई मन्त्री परिषद्को पहिलो बैठकले पास गर्नुपर्ने, दुई हप्ताभित्रै न्यायिक आयोग गठन हुनुपर्ने लगायतका कुरा डा केसीले थपेका छन् । यी दुईटै विषयमा सहमति भएपनि समयसीमा तोकिएको थिएन ।&nbsp;</p><p>उपकुलपतिलाई बर्खास्त गर्नुपर्ने बुँदामा भएको सम्झौताको मस्यौदामा केसीले असन्तुष्टि जनाएका छन् । त्रिवि उपकुलपति नियुक्तिका विषयमा अध्ययन गर्न एकमहिनाभित्र समिति बनाइने समयसीमालाई केसीले १५ दिन बनाउन माग गरेका छन् ।&nbsp;</p><p><br></p><p>त्यस्तै केसीले अन्य केही बुँदामा पनि संशोधन आवश्यक भएको वताएपछि सरकारी वार्ताटोली मस्यौदा सच्याउन शिक्षा मन्त्रालय फर्किएको जनाएको छ । केसी पक्षपनि सकेसम्म आजै सम्झौतापत्रमा हस्ताक्षर गराउने उद्देश्य सहित थप छलफलका लागि शिक्षा मन्त्रालय पुगेको छ । &nbsp;अनशन भने भोलि बिहान १० बजे तोड्ने &nbsp;बताइएको छ ।&nbsp;</p><p><br></p>