दुबईमा हृदयघात भएर नेपाली युवाको मृत्यु

<p>दुबई ।<br>बैदेशिक रोजगारीका क्रममा दुबईमा रहँदै आएका एक नेपाली युवाको हृदयघातका कारण मृत्यु भएको छ ।<br><br>जेपाली राजदूतावास युएईका अनुसार पाल्पा जिल्ला जल्पा गाविस ९ घर भएका ३१ बर्षिय बिष्णु बहादुर थापाको बिहीबारराती निधन भएको हो ।<br><br>यहाँको लुलु कम्पनीको लुलु भिलेज मोहीस्ना दुबई शाखामा सेल्सम्यानको रुपमा काम गर्दै आएका उनि चार बर्षअघि दुबई आएको बुझिएको छ ।<br><br>बिहीबार काममा बिदा भएकाले दिनभर कोठामै आराम गरेको र साँझ खाना खान भनेर उठ्ने बेलामा रिङ्गटा लागेर ढलेका विष्णुलाई अस्पताल पुर्याउँदा डाक्टरहरुले मृत&nbsp; घोषणा गरेका हुन् ।<br><br>उनको हृदयघातका कारण ज्यान गएको अस्पतालले जनाएको छ । शव दुबईमा रहेको अल रशिद अस्पतालमा राखिएको छ । मृतक थापाको नेपालमा श्रीमती र एक छोरा रहेको बुझिएको छ ।<br><br>यहाँ रहेका उनका साथी र विभिन्न संघसंस्थाहरुको पहलमा उनको शव प्रहरी र अस्पताल रिपोर्टपछि नेपाल पठाउने तयारी भइरहेको छ ।<br></p>