27.12¡ÆC
<p>काठमाडौं ।<br>मलेसियामा जारी सोलिड्यारिटि कप फुटबल प्रतियोगिताको फाईनल खेल नेपाल र मकाउबिच हुने भएको छ ।<br><br>शनिबार राती सम्पन्न दोस्रो सेमिफाईनलमा मकाउले ब्रुनाईलाई टाई ब्रेकरमा ४/३ गोल अनतरले पराजित गर्दै नेपाल संगको फाईनल भेट तय गरेको थियो ।<br><br>खेलको निर्धारित समय र थपिएको समय १/१ गोलको बराबरीमा सम्पन्न भए पछि खेलको निर्णय टाई ब्रेकर मार्पmत गरिएको थियो ।<br><br>शनिबार दिउँसो भएको पहिलो सेमिफाईनलमा पनि नेपालले लाओसलाई टाई ब्रेकर मै ३/० गोल अन्तरले पराजित गर्दै फाईनलमा प्रवेश गरेको थियो ।<br><br>समूह चरणको पहिलो खेलमा पूर्वी टिमोर संग गोल रहित बराबरी खेलेको नेपालले दोस्रो खेलमा ब्रुनाईलाई ३/० गोल अन्तरले पराजित गरेर समूह विजेता बन्दै सेमिफाईनल प्रवेश गरेको थियो ।<br><br>अब ब्रुनाई र लाओसबिच तेस्रो स्थानको लागि सोमबार खेल हुने छ । यसैगरि प्रतियोगिताको फाईनल खेल मंगलबार नेपाल र मकाउबिच हुने छ ।<br><br></p>
