16.12¡ÆC
२४ चैत, काठमाडौं ।
सरकारले आयकर र सम्पत्ति शुद्धिकरण ऐन कडा बनाउनुपर्नेमा विज्ञहरुले जोड दिएका छन् ।
मंगलबार काठमाडौ आयोजित साक्षात्कारमा पूर्वमूख्य सचिव बिमल कोईरालाले पनामा पेपर्स लिक नामक चर्चित आर्थिक खुलासामा नेपालका पनि केहि कम्पनिको नाम समेत देखिएकाले सरकारले आयकर, पूँजीगत लाभकर र सम्पत्ति शुद्धिकरण ऐन कडा बनाएर यस्ता कामलाई निरुत्साहित गर्नुपर्ने बताए ।
कार्यक्रममा अर्थविद प्राडा विश्वम्भर प्याकुरेलले पनामा पेपर्स लिकमा नेपाली कम्पनिको नामले मुलुकको विश्वसनियतामा प्रश्न चिन्ह् खडा गर्ने र त्यसले मुलुकको सामाजिक सेवालाई प्रत्यक्ष प्रभाव पार्ने बताए ।
अर्थवीद डा. डिल्लीराज खनालले कर सम्बन्धी कानुनलाई कडा बनाएर कर छल्ने प्रवृत्ति निरुत्साहित गर्नु पर्ने वताए ।
युवासंघ नेपालका अध्यक्ष राजिव पहारीले कालो धन विदेशमा राख्ने काम मुलुकमा पहिलादेखि नै हुँदै आएको भन्दै पनामा पेपर्स लिकमा मुछिएका संस्थाहरुको अनुसन्धान गरेर कारबाही गर्न युवासंघले दबाब दिने बताए ।
