गर्भवतीको चार दिन बेथा लागे पनि उद्दार हुन नसक्दा मृत्यु

<p>२८ असोज, ताप्लेजुङ ।<br>चारदिनदेखी गर्भवती भएकी महिलालाई बेथा लागेपनि समयमा उद्दार र उपचार हुन नसक्दा निधन भएको छ ।<br><br>चारदिनदेखी बेथाले थलिएकी महिलाल लिन बिहीबार दिउँसो हेलिकप्टर आएपनि मौसम खरावका कारण अवतरण हुन सकेन ।<br><br>ताप्लेजुङको पापुङ गाविस १ किलिङ्की ४० वर्षीया पेमा शेर्पा अन्तिम आसमा हेरिएको हेलिकोप्टर पनि नआउँदा मृत्युको मुखमा पुगिन् ।<br><br>सुत्केरी बेथाले थलिएकी महिलाको घर भन्दा केही पर खोक्लिङ गाविसको डाँडाँ गाउमा राखेर दुई पटक बिरामी ल्याउने प्रयास गरेपनि सम्भव नभएपछि भोलि फेरी प्रयास गर्ने भन्दै फुङलिङको भानुजन माविको मैदानमा हेलिकोप्टर राखिएपनि उनको रातीनै मृत्यु हुन पुग्यो ।<br><br>यसअघि एक छोरा र छोरी रहेकी पेमाको निधनपछि शोकमा डुबेको परिवारलाई हेलिकोप्टर भाडामा ल्याएको आर्थिक भार समेत थपिन गएको छ ।<br><br></p>