भारतमा १ करोड लाग्ने कलेजो प्रत्यारोपण नेपालमा १५ लाखमै

<p>२७ असोज, काठमाडौं ।<br>नेपालमै अब कलेजोको पनि प्रत्यारोपण गर्ने तयारी गरिएको छ ।<br><br>भक्तपुर स्थित मानव अङ्ग प्रत्यारोपण केन्द्रले अबको छ महिना भित्र सेवा दिने गरी तयारी अगाडि बढाएको छ ।<br><br>निक्कै जटिल उपचारको रुपमा लिइने मानिसको कलेजो प्रत्यारोपण सेवा अबको तीनदेखि छ महिना भित्र नेपालमै शुरु गर्ने तयारी गरिएको हो ।<br><br>मृगौला प्रत्यारोपणमा सफलता हासिल गरेसंगै मानव अङ्ग प्रत्यारोपण केन्द्रले कलेजोको पनि प्रत्यारोपण गर्ने तयारी गरेको हो ।<br><br>केन्द्रका कार्यकारी निर्देशक एवं वरिष्ठ मृगौला प्रत्यारोपण विशेषज्ञ डा पुकार चन्द्र श्रेष्ठका अनुसार त्यसको लागि आवश्यक जनशक्ति सहित सम्पूर्ण भौतिक पूर्वाधार तयार भइ सकेको छ ।<br><br>केही वर्षअघिसम्म नेपालमा मृगौला प्रत्यारोपण नहुंदा नेपालीहरु भारत लगायतका देशमा जांदा लाखौ लाख खर्च हुनेगर्थ्यो ।<br>अहिले नेपालमै विदेशको तुलनामा सस्तोमा अन्तराष्ट्रिय स्तरको सेवा पाइए जस्तै केन्द्रले अब कलेजो&nbsp; प्रत्यारोपणको त्यस्तै सेवा पनि दिन लागेको हो ।<br><br>यो सेवा निक्कै जटिल हुने भएकोले शुरुमा विदेशी विशेषज्ञ चिकित्सकको प्रत्यक्ष निगरानी र सहयोगमा प्रत्यारोपण&nbsp; गरिनेछ ।<br><br>चिकित्सकहरुका अनुसार कलोजो अर्थात लिभरले हामीले खाएको खानाबाट प्राप्त हुने ग्लुकोजलाई भण्डारण गर्ने काम गर्छ । शरीरमा हुने पानीको मात्रालाई विभिन्न अंगमा सन्तुलित वितरणको काम गर्छ ।<br>अनि शरीरमा हुने किटाणुको आक्रमणलाई प्रतिरोध गर्ने लगायतको काम गर्छ ।<br><br>कलेजो प्रत्यारोपण जटिल भए पनि एक पटक प्रत्यारोपण गरेपछि मृगौलालाई जस्तो जीवनभर डायलेसिस गरि रहनु पर्दैन । भारतमा कलोजो प्रत्यारोपण खर्च एक करोडदेखि डेढ करोडसम्ममा गरिन्छ ।<br><br>नेपालमा १५ लाख भित्रैमा पुग्ने गरी उपचार गरिने तयारी भक्तपुरस्थित मानव अंग प्रत्यारोपण केन्द्रले गरेको छ । विकसित पश्चिमा देशहरुमा मस्तिष्क मृत्यु भएका व्यक्तिबाट अंग निकालेर र एशियाली मुलुकहरुमा जिउंदो मानिसकै कलेजोलाई आधा निकालेर विरामीलाई दिइन्छ ।<br>नेपालमा ति दुवै विकल्प राखेर पत्यारोपणको तयारी थालिएका छ ।<br></p>