19.29¡ÆC
<p>२१ असोज, धनगढी ।<br>कैलाली जिल्ला कारागारबाट गएराती एक जना कैदी फरार भएका छन् । घटनापछि कारगारमा डियूटीमा रहेका एक जना प्रहरी हवल्दारलाई नियन्त्रणमा लिइएको छ ।</p><p>मानव बेचबिखन मुदामा कैद भुक्तान गरिरहेका सुरज कोली कारागारबाट भागेको प्रमुख जिल्ला अधिकारी गोविन्द रिजालले बताउनुभयो । </p><p>धनगढी उपमहानगर पालिका ६ घर भएका कोलीको खोजी कार्य भइरहेको उहाले बताउनुभयो । </p><p>कारागारको चौकीदार 'नाइके' रहेका कोली किनमेल गर्नका लागि बजार गएका वेला भागेको कारागारले जनाएको छ ।</p><p>'१२ बर्ष कैद सजाए पाएका उनको कैद भुक्तान गर्न एक बर्ष बाकी रहेको अवस्था उनी फरार भएका हुन् ।</p><p>कोली भागेको खवर ढिलोगरी पाएको प्रहरीले कारागारमा कार्यरत प्रहरी हवल्दार धन बहादुर बिष्टलाई नियन्त्रणमा लिएर सोधपुछ भइरहेको जनाएको छ । <br><br><br><br></p>
