संविधान बिरोधमा उत्रेर सुरक्षाकर्मीमाथि ढुंगामुढा गर्नेलाई सबै रकम दिने प्रधानमन्त्रीको घोषणा

<p>३ असोज, काठमाडौं ।<br>संविधान दिवसको दिन प्रधानमन्त्री पुष्पकमल दाहालले संविधान घोषणाको बिरोध गर्दै सुरक्षाकर्मीमाथि ढुंगामुढा गर्नेको सबै उपचार खर्च व्यहोर्ने बताएका छन् ।<br><br>पहिलो संविधान दिवसको अवसरमा सोमबार सैनिकमञ्च टुँडिखेलमा आयोजित विशेष समारोहमा बोल्दै प्रधानमन्त्रीले भने, ‘निर्वाचन जस्तो संवेदनशील विषयमा राजनीतिक लाभहानी नहेरी उपयुक्त वातावरण बनाउन म सबै दलहरुलाई विशेष आव्हान गर्दछु ।’<br><br>प्रधानमन्त्री प्रचण्डले स्थानीय तह, प्रदेश र संघीय संसदको चुनाव संविधान कार्यान्वयन तथा संघीयतालाई संस्थागत एवं सुदृढ गर्ने दिशामा कोशे ढुंगा साबित हुने विश्वास व्यक्त गरे । यी निर्वाचन सम्पन्न गर्न र निर्वाचित निकायलाई काम गर्न आवश्यक कानूनहरु र सस्थागत संरचना निर्माण गर्न सरकार लागिपरेको प्रधानमन्त्री प्रचण्डको भनाई छ ।<br><br>गाउँपालिका, नगरपालिका तथा विशेष संरक्षित र स्वायत्त क्षेत्रको संख्या तथा सिमाना निर्धारण गर्न बनेको आयोगलाई गाँउपालिका र नगरपालिकाको सिमाना तथा संख्या छिटो टुग्याउन पनि प्रधानमन्त्रीले भने ।<br><br>प्रधानमन्त्रीले निर्वाचन आयोगको कामका लागि आवश्यक राजनीतिक वातावरण सिर्जना गर्न सरकार लागि परेको बताए ।<br><br>संविधान कार्यान्वयनको सन्दर्भमा आवश्यक ऐनको व्यवस्था गरी सरकारले उच्च अदालतका सम्वन्धमा गरेका निर्णयहरू संविधान र संघीयता कार्यान्वयनको दिशामा महत्वपूर्ण उपलब्धि रहेको प्रधानमन्त्रीले बताए ।<br><br>प्रधानमन्त्री पुष्पकमल दाहाल ‘प्रचण्ड’ले निर्वाचनको विषयमा राजनीतिक लाभहानी नहेरी उपयुक्त वातावरण बनाउन दलहरुलाई आव्हान गरे ।<br><br>संविधान अनुसार २०७४ साल माघ ७ गतेभित्र स्थानीय तह, प्रदेश र संघीय संसदको निर्वाचन सम्पन्न गरीसक्नुपर्ने छ । तर, दलहरुबीच स्थानीय तहको संख्या, सिमाना लगायतका विषयमा अझैसम्म सहमति जुटेको छैन ।<br><br>प्रधानमन्त्रीले मधेस आन्दोलनमा मृत्यु भएकाहरुलाई शहिद घोषणा गरिसकेको, मृतकका परिवारलाई आर्थिक सहयता उपलब्ध गराइसकेको र घाइतेहरुको उपचारका लागि भएको खर्चको विल बमोजिमको रकम भुक्तानी गर्ने प्रक्रिया शुरु भइसकेको बताएका छन् ।<br><br>मधेसी मोर्चाले आइतबार उपप्रधान एवम् गृहमन्त्री विमलेन्द्र निधिसमक्ष उपचारमा खर्च भएको भन्दै करिब एक करोडको बिल पेश गरेको थियो ।<br>मधेशी मोर्चाले मधेश आन्दोलनमा सहभागी भएर ढुंगामुढा गर्दा मारिने भारतीय नागरिक र आत्महत्या गरेकालाई समेत शहिद घोषणा गर्न माग गर्दै आएको छ ।<br><br></p>