लामखुट्टे धपाउन सल्काएको भुसे चुलोको धुवाँले निसास्सीएर एकको मृत्यु, दुई वेहोस

<p>३ असोज, सल्यान ।<br>सल्यानका एक मजदुरको दाङमा धुवाँमा निसास्सीएर मृत्यु भएको छ । साथै दुइको अवस्था गम्भीर रहेको प्रहरीले जनाएको छ ।</p><p>सल्यान फालावाङका अन्दाजी ५५ वर्षिय हिरालाल विष्टको तुलसीपुर ३ गौजेनीमा धुवामा निसास्सीएर मृत्यु भएको प्रहरीले जनाएको छ ।<br><br>३ जना मजदुर कोठामा लामखुट्टे धपाउन गएराती भुसे चुलो सल्काएर सुतेको र त्यहि चुलोको धुवाले निसास्सीएर विष्टको ज्यान गएको जनाइएको छ ।</p><p>गम्भीर घाइते दुइ जनाको अहिले राप्ती अञ्चल अस्पताल तुलसिपुरमा उपचार भइरहेको छ ।<br><br>घाइते मध्ये सल्यान फालावाङकै वर्ष ३० का धर्म बहादुर योगीको परिचय खुलेको छ भने अर्का एक जनाको परिचय नखुलेको ईलाकाम प्रहरी कार्यालय तुलसीपुरका प्रहरी सहायक निरीक्षक मिलन श्रेष्ठले जानकारी दिनुभयो । <br><br></p>