16.6¡ÆC
<p>३ असोज, धनगढी ।<br>नेपाल खाद्य संस्थान सेती अचल कार्यालय धनगढीले दशै तिहारलाई मध्यनजर गर्दै यस क्षेत्र (सुदूरपश्चिमक) का पहाडी जिल्लाहरुमा सरकारी अनुदानको खाद्यन्न ढुवानी शुरु गरेको छ ।</p><p>संस्थानका सेती अचंल प्रमुख डील्लीराज लम्सालले यस क्षेत्रका बझाग, अछाम, बैतडी, दार्चुलामा चामल पठान शुरु गरिसकेको र बाजुरा, हुम्ला, मुगुमा केहि दिन भित्र खाद्यन्न ढुवानीको तयारी भइरहेको बताउनु भयो ।</p><p>कैलालीको गेटामा रहेको संस्थानको गोदामबाट ती जिल्लामा स्थलमार्गबाट खाद्यन्न ढुवानी हुने गरेको र हालसम्म पाच सय क्वीन्टल चामल ढुवानी भइसकेको उहाले बताउनुभयो ।</p><p>बर्षेनी खाद्यन्न संकट हुदै आएको ती जिल्लामा प्रत्येक बर्ष सरकारले अनुदानको खाद्यन्न उपलब्ध गराउदै आएको छ । यस बर्ष सात जिल्लाका लागि करिव ३८ हजार क्वीन्टल खाद्यन्न कोटा निर्धारण गरिएको छ ।</p><p>जसमध्ये सवैभन्दा बढी बाजुराका लागि २३ हजार ७ सय ५० क्वीन्टल खाद्यन्न कोटा रहेको छ । संस्थानले सात जिल्लाका १४ वटा खाद्य डिपोबाट अनुदानको चामल बिक्रि बितरणको ब्यवस्था गरेको छ । <br><br></p>
