काँग्रेस र माओवादीले चाहँदैमा संविधान संशोधन हुँदैन-कमल थापा

<p>२७ भदौ, नेपालगञ्ज ।<br>राप्रपा नेपालका अध्यक्ष कमल थापाले संविधान कार्यान्वयनका लागि राजनीतिक सहमति आवश्यक रहेको बताउनुभएको छ ।</p><p>मिडिया नेपाल बाँकेले आज नेपालगञ्जमा गरेको पत्रकार सम्मेलनमा अध्यक्ष थापाले मधेशका समस्या हल गर्न राजनीतिक सहमति गरेर मात्र संविधान संशोधन सम्भव हुने बताउनुभयो ।</p><p>नेपाली कांग्रेस र नेकपा माओवादी केन्द्रले मात्र चाहँदैमा संविधान संशोधन सम्भव नहुने भन्दै उहाँले दलहरु बीचको एकता र सहमतिमा जोड दिनुभयो । प्रतिपक्षी दलहरुलाई पनि विश्वासमा लिएर सरकार अघि बढे मात्र संविधानको सहज र शिघ्र कार्यान्वयन हुने थापाको भनाई छ ।</p><p>प्रधानमन्त्री पुष्पकमल दाहाल प्रचण्डले भारत भ्रमणमा जान हतारो गरेको टिप्पणी गर्दै उहाँले भन्नुभयो, ‘प्रधानमन्त्री भएको एक महिना पुग्दा नपुग्दै, खासै महत्वपूर्ण एजेण्डा नभएका बेला यसरी हतारिएर भारत भ्रमणमा जानुको कति औचित्य छ, त्यो आगामी दिनमा पुष्टि होला ।’</p><p>अध्यक्ष थापाले सरकारको कार्यशैली र व्यवहारले चैतमा पनि स्थानीय निकायको निर्वाचन नहुने आशंका बढ्दै गएको जिकिर गर्नुभयो । आयोगमाथि हस्तक्षेप बढाएर सरकारले स्थानीय निर्वाचनलाई टार्न खोजेको आरोप लगाउनु भयो । राप्रपाका कारण दुई पार्टीको एकीकरण भाँडिएको भन्दै उहाँले अब त्यो तत्काल सम्भव नभएको स्पष्ट पार्नुभयो ।&nbsp; <br><br></p>