सोलिड्यारिटि कप फुटबलमा नेपाल पहिलो समुहमा

<p>२३ भदौ, काठमाडौं ।<br>सोलिड्यारिटि कप फुटबल प्रतियोगिता को खेल तालिका सार्वजनिक भएको छ ।</p><p>एशियालि फुटबल महासंघ एएफसी च्यालेन्ज कप को सट्टामा एएफसी ले अब देखि एएफसी सोलिड्यारिटि कप फुटबल आयोजना गर्ने भएको छ ।</p><p>सोलिड्यारिटि कप आगामि नोभेम्बर २ देखि १५ तारिख सम्म मलेशियाको क्वालालम्पुरमा संचालन हुनेछ ।</p><p>प्रतियोगितामा नेपाल समूह ए मा परेको छ । सहभागि ८ वा ९ राष्ट्रलाई दुई समूहमा विभाजन गरिएको छ ।</p><p>अन्य २ या ३ राष्ट्रको टुङ्गो आगामि अक्टोबर महिनामा हुने एशियन कप छनोटको प्ले अफ पछि मात्र लाग्ने छ । अहिले समूह ए मा नेपाल सहित पाकिस्तान र ब्रुनाई रहेका छन् ।</p><p>विश्व कप २०१८ को एशियन छनोट खेलिरहेका ईस्ट टिमोर र चाईनिज ताईपेई तथा बंगलादेश र भुटानबिचको विजेता पनि समूह ए मा समावेश हुने छन् ।</p><p>नेपालको पहिलो खेल ईस्ट टिमोर र चाईनिज ताईपेईबिचको विजेता संग हुनेछ । यसैगरि समूह बि मा श्रीलङ्क, मकाउ र मंगोलिया रहेका छन् ।</p><p>माल्दिभ्स् र लाओस बिचको विजेताले पनि समूह बि मा प्रतिस्पर्धा गर्ने छ ।</p><p>सन् २०१८ को विश्व कप र सन् २०१९ का एशियन कपमा छनोट नभएका राष्ट्रलाई छनोट गरि सोलिड्यारिटि कप संचालन गर्न लागिएको हो ।<br></p>