चन्द्रागिरीमा प्रहरी र लुटेरासमूहवीच गोली हानाहान

<p>२३ भदौ, काठमाडौं ।<br>काठमाडौंको चन्द्रागिरीमा आज बिहान प्रहरी र लुटेरा समूहबीच गोली हानाहान भएको छ ।<br><br>गोली हानाहानमा प्रहरीतर्फ कोही हताहती नभएको प्रहरीले बताएको छ भने लुटेरा समुहतर्फ के कति क्षति भएको खुल्न सकेको छैन ।<br><br>चन्द्रागिरी नगरपालिका १ चिहानडाँडामा सुमोमा रहेका लुटेरा समूह र प्रहरीबीच आज बिहान सवा ५ बजे तिरको समयमा गोली हानाहान भएको हो ।<br><br>गोली हानाहानपछि लुटेरा समुह जंगल भित्र भागेको प्रहरीले बताएको छ । प्रहरीले दिएको जानकारी अनुसार लुटेरा समूहलाई पछ्याउने क्रममा प्रहरीमाथि २ राउण्ड गोली फायर भएपछि प्रहरीले प्रतिकार गरेर गोली चलाएको हो ।<br><br>गोली हानाहानपछि लुटेरा समुह चिहानडाँडामा बा १ ज ३९४८ नम्बरको सुमो छाडेर भागेको छ । <br><br>सुमोमा बन्द अवस्थामा रहेको सेफ फेला परेको प्रहरीले बताएको छ ।<br><br>ुउनीहरुले कुनै बैंक तथा वित्तिय संस्थामा रहेको सेफ अथवा सुनचाँदी पसलमा रहेको सेफ लुटेर लगेको हुनसक्ने प्रहरीको अनुमान छ ।<br>प्रहरीले एका बिहानै काठमाडौंबाट सुमो मातातीर्थतर्फ लागेपछि स्थानीय प्रहरी लगाएर सुमोको पिछा गरेको थियो ।<br><br>काठमाडौंबाट अहिले घटनास्थलमा थप प्रहरी पुगेको र जंगललाई घेरा हालेर अहिले त्यहाँ सर्च अप्रेसन चलाइएको प्रहरीले बताएको छ ।<br></p>