<p><span style="line-height: 1.42857143;">काठमाडौं,भदौ १६ । सरकारले भारत र चीनका लागि राजदूत सिफारिस गरेको छ। आज बसेको मन्त्रिपरिषद्को बैठकले भारतका लागि दीपकुमार उपाध्याय र चीनका लागि लीलामणि पौड्याललाई सिफारिश गरेको हो । </span><span style="line-height: 1.42857143;">दीपकुमार यसअघिको केपी ओली नेतृत्वको सरकारले फिर्ता बोलाउने निर्णय गरेको थियो । ओली सरकारले चीनमा महेन्द्रबहादुर पाण्डेलाई राजदूत सिफारिश गरेको भए पनि वर्तमान सरकारले नाम फिर्ता लिएको थियो। उनको नाम फिर्ता लिएसँगै पूर्व मुख्य सचिव पौड्यालको नाम सिफारिस भएको हो । </span></p><p><span style="line-height: 1.42857143;">पौडेल यसअघि ल्हासामा महावाणिज्यदूत पनि थिए। तत्कालीन राजदूत महेश मास्केको कार्यकाल सकिएपछि चीनमा नेपाली राजदूत थिएनन् भने भारतमा उपाध्यायलाई फिर्ता बोलाएपछि अर्को राजदूत नियुक्त गरेको थिएन । त्यसैगरी मन्त्रिपरिषद्को बैठकले राष्ट्रिय योजना आयोगका उपाध्यक्षमा मीनबहादुर श्रेष्ठलाई नियुक्त गरेको छ। उनी नेपाल राष्ट्र बैँकका कार्यकारी निर्देशक हुन्। त्यस्तै प्रधानमन्त्रीका आर्थिक सल्लाहकारमा डा.श्रीराम पौडेल, परराष्ट्र सल्लाहकारमा डा. ऋषि अधिकारी नियुक्त भएका छन्। </span><br></p>
प्रतिक्रिया