विशेष आर्थिक क्षेत्रमा पान मसाला देखी सुनका उद्योग खोलिंदै

<p>२ भदौ, रुपन्देही ।<br><br>रुपन्देहीको भैरहवामा रहेको विशेष आर्थिक क्षेत्र(सेज)मा उद्योग सञ्चालनका लागि अनुमति पाएका ११ उद्योगीसगँ पहिलो चरणमा जग्गाको पल्ट लिजमा दिने विषयमा सम्झौता हुने भएको छ&nbsp; ।<br><br>सेजमा निर्यातमुखी उद्योग सञ्चालनका लागि प्रस्तावित २३ वटा औद्योगिक प्रतिष्ठानहरु मध्ये ११ वटा उद्योगीसँग सोमवारबाट सम्झौता हुने तयारी भएको विशेष आर्थिक क्षेत्र विकास समितिका कार्यकारी निर्देशक डा. चण्डिका भट्टले जानकारी दिनु भयो ।<br><br>५२ बिगाहा क्षेत्रफलमा फैलिएको सेजमा प्रस्ताव गरिएका उद्योगहरुमा पान मसालादेखि सुनका गरगहना बनाउने उद्योगसम्म रहेका छन् ।</p><p>सेजमा उद्योग सञ्चालनका लागी अन्तिम स्विकृती पाएका औद्योगिक तथा प्रतिष्ठानहरु सिद्धार्थ गु्रप, गोल्छा समुह, अरुणखोला बहुउद्देशिय सहकारी संस्था, चेतनशिल मल्टीप्रपोज प्रालि, सुगम नानो हर्वल, गोल्डस्टारसुज, वर्न गार्मेन्ट, जगदम्बा समुह, लोहिया गु्रप रहेको समितिले जनाएको छ ।<br><br>स्विकृत पाएका ११ उद्योगले ३० वटा प्लट लिएका छन्, ६९ वटा प्लट मध्ये २१ प्लट बाँकी रहने छन् । विशेष आर्थिक क्षेत्रभित्र उद्योग स्थापनाका लागि विद्युत बाहेकका सबै पूर्वाधार तयारी अवस्थामा रहेको सेजका इन्जिनियर लक्ष्मण भट्टराईले बताउनु भयो ।<br><br></p>