18.12¡ÆC
भक्तपुर, चैत १९ । संयुक्त लोकतान्त्रिक मधेसी मोर्चाले तत्काल आन्दोलनको कार्यक्रम सार्वजनिक नगर्ने भएको छ । आज भक्तपुरको सानोथिमीस्थित तराई–मधेस लोकतान्त्रिक पार्टीका अध्यक्ष महन्थ ठाकुर निवासमा बसेको मोर्चाको बैठकले विगतका आन्दोलनको समीक्षा गर्दै तत्काल आन्दोलनको कार्यक्रम घोषणा नगर्ने भएको हो । मोर्चाको बैठक सकिएपछि जानकारी दिँदै सद्भावना पार्टीका सहअध्यक्ष लक्ष्मणलाल कर्णले भने ˗ “आन्दोलनको कार्यक्रम तत्काल नल्याउने भएका छौँ, आन्दोलनको कार्यक्रम ल्याउन ढिला पनि भएको छैन ।”
अध्यक्ष ठाकुरको नेतृत्वमा बसेको बैठकमा सङ्घीय समाजवादी फोरम नेपालका अध्यक्ष उपेन्द्र यादव, सद्भावना पार्टीका सहअध्यक्ष लक्ष्मणलाल कर्ण, नेपाल सद्भावना पार्टीका अध्यक्ष अनिल झा, राष्ट्रिय मधेस समाजवादी पार्टीका अध्यक्ष शरद्सिंह भण्डारी र तराई–मधेस सद्भावना पार्टीका अध्यक्ष महेन्द्रराय यादवलगायतका नेताको सहभागिता थियो ।
