17.03¡ÆC
<p>१८ साउन, लण्डन ।<br>नेपाली सेनाका कर्णेल कुमार लामाले आफूविरुद्ध बेलायतमा लगाइएको यातना सम्वन्धि एक मुद्दामा सफाइ पाएका छन् ।<br><br>सरकार माओवादी सशस्त्र द्वन्द्वताका सैनिक व्यारेकमा थुनामा रहँदा लामाले आफूलाई चरम यातना दिएको भन्दै बन्दी करम हुसेनले मुद्दा दायर गरेका थिए । जुन मुद्दामा उनले सफाइ पाएका हुन् ।<br><br>सोमबार लन्डनस्थित सेन्ट्रल क्रिमिनल कोर्ट 'फौजदारी अदालत' ओल्ड बेलीमा जस्टिस स्वीनीको इजलासले हुसेनको मुद्दामा सफाइ दिएको हो ।</p><p>तर, अर्का बन्दी जनकबहादुर राउतको लामाविरुद्धको यातना सम्वन्धि मुद्दामा भने १२ सदस्यीय जुरी सोमबारसम्म टुंगोमा पुग्न नसकेपछि आगामी सेप्टेम्बर पहिलो साता पुनस् इजलास बस्ने गरि स्थगित भएको श्रोतले जानकारी दिएको छ।<br> <br>जुरीबीच १०, २ वा ११, १ को मत आवश्यक हुन्छ। ओल्ड बेलीमा करिब सात हप्ताको सुनुवाइपछि गत सोमबार देखि जुरीबीच डेलिबरेसन 'गहन छलफल' चलिरहेको थियो ।</p><p>करिब एक साताको डेलिबरेसनमा पनि जुरीले राउतको मुद्दामा लामालाई निर्दोष वा दोषी के भन्नेबारे फैसला दिन नसकेपछि इजलास करिब ५ साता पर सरेको हो।<br> <br>लामाको मुद्दा गत वर्ष अभियोजन पक्षले दोभाषे नभेट्टाएपछि सुनुवाइ स्थगित भएको थियो ।लामाको तर्फबाट किङ्सले नेप्ली फर्मले मुद्दा हेरिरहेको कान्तिपुरमा समाचार प्रकाशित छ ।<br></p>
