17.37¡ÆC
१८ चैत, काठमाडौं ।
एसियाली विकास बैंकले आगामी आर्थिक वर्षमा नेपालको आर्थिक वृद्धि ४.८ प्रतिशत पुग्ने प्रक्षेपण गरेको छ ।
एडिबिले बुधबार काठमाडौंमा एसियाली मुलुकको समग्र विकास परिदृश्य सार्वजनिक गर्दै शक्तिशाली भूकम्पका कारण चालू आर्थिक वर्षमा आर्थिक वृद्धि तीन प्रतिशतमा सीमित भए पनि आगामी आर्थिक वर्षमा गरिने पुनर्निर्माण र व्यापार तथा पारवहनमा हुने सुधारबाट नेपालको आर्थिक वृद्धि ४.८ प्रतिशत पुग्ने अनुमान गरेको हो ।
भूकम्प र पूर्वाधार निर्माणका अत्यावश्यक वस्तुको आपूर्तिमा विगत केही महिना उत्पन्न अवरोधका कारण थोक तथा खुद्रा व्यापार, यातायात, पर्यटन र आर्थिक सेवा अवरुद्ध हुँदा कुल गार्हस्थ्य उत्पादनमा कमी आएको, प्रतिकूल मौसमले कृषि क्षेत्रको विस्तार खुम्चिएको र ऊर्जा अभावले औद्योगिक क्षेत्रको वृद्धि पनि अपेक्षित रुपमा हुन नसकेको निष्कर्ष बैंकले निकालेको छ ।
कार्यक्रममा एडिबीको नेपालस्थित कार्यालयका राष्ट्रिय निर्देशक केनिची योकोयामाले मानव संशाधन तथा भौतिक पूर्वाधारमा लगानी बृद्धिका साथै जलविद्युत् परियोजना र पुनर्निर्माणका कामलाई तीव्रता दिन सकिए नेपालको आर्थिक वृद्धि बढ्न सक्ने बताउनुभयो ।
