बढी शुल्क लिने विद्यालयलाई कारबाही

<p>शिक्षा विभागले तोकेकोभन्दा बढी शुल्क लिने विभिन्न निजी 'संस्थागत' विद्यालयलाई कारबाही गर्न सम्बन्धित जिल्ला शिक्षा कार्यालयलाई निर्देशन दिएको छ ।</p><p>शुल्क व्यवस्थापन तथा अनुगमन केन्द्रीय समितिको निर्णयानुसार शिक्षा मन्त्रालयअन्तर्गतका सहसचिवको नेतृत्वमा उपत्यकाका १८ संस्थागत विद्यालयको शुल्क, छात्रवृत्ति पाठ्यपुस्तक र जनशक्ति व्यवस्थापनमा केन्द्रित भई अनुगमन गरिएको प्रतिवेदनले अनियमितता देखाएका विषयका आधारमा कारबाही गरिने भएको हो ।</p><p>विभागका महानिर्देशक खगराज बरालका अनुसार सम्बन्धित विद्यालयलाई कारबाहीका लागि सम्बन्धित जिल्ला शिक्षा कार्यालयलाई निर्देशन गरिएको छ ।</p><p>अनुगमनमा काठमाडौँका बृहस्पति, ग्यालेक्सी, अक्सिडेन्टल, त्रियोग, सिद्धार्थ बनस्थली, ह्वाइट फिल्ड, काष्ठमाण्डप र होली भिजन, ललितपुरका रातो बङ्गला, आइडिएल मोडल, डिएभी सुशील केडिया, शुभतारा, जेम्स स्कुल, लिटल एञ्जल, युनाइटेड र प्रिमियर तथा भक्तपुरका मातृभूिम र राजर्षि गुरूकुल छन् । <br><br><br></p>