28.81¡ÆC
काठमाण्डौ । काठमाण्डाै महानगरपालिका ‘स्विस टुरिजम अवार्ड २०२३’ का लागि छनोट भएको छ । आउँदो नोभेम्बर ३ देखि ५ तारिखसम्म स्विट्जरल्यान्डकाे लुगानो सहरमा हुने अवार्ड कार्यक्रममा काठमाण्डाै महानगरपालिका छनोट भएको हो । पर्यटन क्षेत्रका वैज्ञानिक पेसाकर्मीहरूको निर्णायक समितिले अवार्डका लागि काठमाण्डौ महानगरलाई छनोट गरेको आयोजकले जनाएको छ ।
काठमाण्डाैकाे सांस्कृतिक, धार्मिक र पुरातात्त्विक इतिहास, मूर्त–अमूर्त सम्पदा र जीवन्त सहरी वातावरणले आगन्तुकलाई मोहित बनाउने गरेको आयोजकले काठमाण्डौ महानगरलाई पठाएको निमन्त्रणापत्रमा उल्लेख छ । काठमाण्डौ महानगरले विश्वभरका आगन्तुकलाई मोहित बनाउने पनि पत्रमा उल्लेख छ ।
‘स्विस टुटिजम अवार्ड’ गएकाे १५ वर्षदेखि भइरहेको छ । अवार्डका लागि महानगरपालिका, उपमहानगरपालिका र नगरपालिकाले आवेदन दिन सक्छन् । आवेदकमध्येबाट निश्चित सङ्ख्यामा अवार्डका लागि मनोनयन गरिन्छ । अवार्ड कार्यक्रममा स्विट्जरल्यान्ड, इटालीसहित अन्तर्राष्ट्रिय क्षेत्रमा गन्तव्यको प्रचार गरिन्छ ।
