‘ब्रेन डेड’ भएका शशांक अझै अचेत, प्रधानमन्त्रीदेखी नेताहरु हेरेर फर्कीए

<p>२३ असार, काठमाडौं ।<br>नेपाली काँग्रेसका महामन्त्री शशाङ्क कोइरालाको स्वास्थ्य अवस्था गम्भीर तर स्थिर रहेको उपचारमा संलग्न चिकित्सकले बताएका छन् । <br><br>श्वास फेर्न गाह्रो भएपछि उपचारका लागि ओम अस्पतालमा गएराति ८ बजे भर्ना हुनुभएका नेता कोइरालाको अवस्था बिहान ५ बजे गम्भीर भएको थियो । <br><br>बिहान बान्ता भएपछि सर्किएको र फोक्सोको निमोनियाका कारण एक्कासी स्वास्थ्य अवस्था गम्भीर भएको अस्पतालका प्रबन्ध निर्देशक हरिकिशोर श्रेष्ठले जानकारी दिनुभयो । <br><br>उहाँलाई फोक्सोको निमोनिया भएको र फोक्सोभन्दा बाहिर हावा जम्मा भएकाले चेस्टट्युब राखिएको उपचारमा संलल्न चिकित्सक डा हरिश जोशीले जानकारी दिनुभयो । <br><br>महामन्त्री कोईरालाको उपचारमा पत्नी सुपात्रा कोइरालासहित डा अर्जुन कार्की, डा भगवान कोइराला, डा. युएन पाठक, डा लव जोशी, डा श्याम महर्जन, डा सुवास आचार्य, डा महेश भट्टराई, डा रवीन्द्र श्रेष्ठ, डा रावल पाठक, डा पिके क्षेत्री, डा हरिकिशोर श्रेष्ठलगायतका १५ जनाभन्दा संलग्न छन् । <br><img src="https://topnepalnews.comuploads/posts/36cbf929e6e3ecfc4da10058a80b4e8d1467828858.jpg" style="width: 960px;"><br>श्रेष्ठका अनुसार अहिले उहाँको मुटुको धड्कन प्रति मिनेट ८० छ र रक्तचाप १००/५० छ । फोक्सोको चाल ९० प्रतिशत रहेको छ भने अक्सिजनको परनिर्भरता १०० बाट ८० मा घटाईएको चिकित्सकहरुले बताएका छन् ।</p><p>डा.कोईरालाको स्वास्थ्य अवस्था बुझ्न प्रधान मन्त्री केपी शर्मा ओली बिहानै ओम अस्पताल पुग्नु भएको थियो । प्रधानमन्त्री ओलीले कोईरालाको उपचारमा कुनै कसर बाँकी नराख्न चिकत्सकहरुलाई निर्देशन दिनु भएको थियो । <br><br>डा.कोईरालाको स्वास्थ्य अवस्था बुझ्न नेपाली कांग्रेसका सभापति एंव पुर्व प्रधानमन्त्री शेरबहादुर देउवा, बरिष्ठ नेता रामचन्द्र पौडेल पनि अस्पताल पुग्नु भएको थियो । <br><img src="https://topnepalnews.comuploads/posts/4b44c8d068b57f4d7518b005c0de12be1467828878.jpg" style="width: 755.178px; height: 566.383px;"><br><br>उहाँको स्वास्थ्य गम्भीर भएको खबर पाएपछि स्वास्थ्य अवस्थाबारे जानकारी लिन ओम अस्पतालमा विभिन्न दलका नेता, कार्यकर्ता तथा शुभेच्छुकको बिहानदेखि भीड लागेको छ । <br></p>