28.12¡ÆC
नुवाकोट जिल्ला बुद्धिचाल संघको अध्यक्षमा त्रिशूली बजारका प्रकाश जोशी चयन हुनुभएको छ । आज भएको जिल्ला अधिवेशनले सर्वसम्मत रुपमा प्रकाश जोशीको अध्यक्षमा नयाँ कार्यसमिति चयन गरेको हो ।
समितिको उपाध्यक्षमा श्याम केसी, सचिव हरिचन्द्र अमात्य र कोषाध्यक्षमा सुरज लामा चयन हुनुभएको छ । यस्तै, सदस्यहरुमा मञ्जु चिकार, जियाउल हक मिया, श्रीकृष्ण डंगोल र कुलबहादुर थापामगर चयन हुनुभएको छ ।
समितिको कार्यसमिति सदस्य नौ जनाको हुने भएकाले अब जिल्ला खेलकुद विकास समिति नुवाकोटबाट पठाएको प्रतिनिधि थप हुने अध्यक्ष प्रकाश जोशीले जानकारी दिनुभएको छ । यसैगरी, पालिकास्तरीय सदस्य प्रतिनिधितर्फ विदुरबाट शिव खड्गे, बेलकोटगढीबाट शिवराम पुडासैनी, तारकेश्वरबाट हरिशरण खनाल, ककनीबाट सुरेन्द्र लामा, लिखुबाट दिपक थापा समावेश गरिएको छ । बाँकी पालिकाबाट सदस्य–प्रतिनिधि प्राप्त हुन बाँकी रहेको छ ।
संघका यसअघिका अध्यक्ष अमजद आलमले सर्वसम्मत रुपमा चयन भएको नयाँ कार्यसमितिलाई बुद्धिचाल खेलको प्रचारप्रसार र प्रतियोगिता सञ्चालनतर्फ केन्द्रित हुनु सुझाब दिनुभएको छ ।
