28.12¡ÆC
<p>१५ असार, काठमाडौं ।<br><br>प्रधानमन्त्री केपी शर्मा ओलीले भूकम्प पीडितलाई पहिलो किस्तामा १ लाख पचास हजार रुपैयाँ दिने कुरा सबैसँग छलफलपछि मात्र लागु गर्न सकिने बताउनुभएको छ ।</p><p>आज संसद बैठकमा बोल्दै प्रधानमन्त्री ओलीले पैसा नेपाल सरकारले नभई दाताहरुले दिने भएकाले यस विषयमा थप छलफल आवश्यक रहेको बताउनुभयो । तर यस अघि प्रमूख प्रतिपक्षी दल नेपाली कांग्रेसले भुकम्प पीडितलाई पहिलो किस्तामा १ लाख ५० हजार दिने सहमति भएको भन्दै प्रधानमन्त्रीलाई संसदमा बोल्न दिएको थियो ।</p><p>सम्बोधनका क्रममा प्रधानमन्त्रीले सहमति भइसकेको भनिएको विषयमा थप छलफल गर्न आवश्यक रहेको बताएपछि कांग्रेस सांसदहरुले आफ्नो सिटबाट उठेर त्यसको विरोध गरेका थिए । जसका कारण प्रधानमन्त्रीको सम्बोधन केहि बेर रोकिएको थियो ।</p><p>सभामुख ओनसरी घर्तीको पटक पटकको आग्रहपछि कांग्रेस सांसदहरु बसेका थिए । त्यसपछि बोल्दै प्रधानमन्त्री ओलीले आफूले प्रतिपक्षीको माग नबुझेको बताउनुभयो । अन्तराष्ट्रिय दाताहरुसँग भएको सम्झौता र कार्यविधीमा परिवर्तन गरेर जान सरकार तयार रहेको भन्दा के भएन रु प्रधानमन्त्रीले प्रश्न गर्नुभयो ।</p><p>कांग्रेसले भूकम्पपीडित जनतालाई आवास निर्माण गर्न एकमुष्ट रुपमा दुई लाख रुपैयाँ र दुई प्रतिशत ब्याजदरमा १५ र २५ लाख रुपैयाँ दिनुपर्ने माग गर्दै सदन अवरुद्ध गर्दै आएको थियो । सत्तापक्षले प्रमुख प्रतिपक्षी दल कांग्रेससँग भूकम्पपीडित जनतालाई आवास निर्माण गर्न एकमुष्ट रुपमा एक लाख ५० हजार रुपैयाँ दिने र ५० हजार रुपैयाँ किस्ताबन्दीमा दिने सहमति गरेसँगै अवरुद्ध संसदले निकास पाएको छ । एक अर्को प्रसंगमा प्रधानमन्त्री ओलीले काबुल घटनामा मारिएका नेपालीलाई सरकारको आफ्नै खर्चमा स्वदेश ल्याइएको बताउनुभएको छ ।</p><p>कुनै इन्सुरेन्स वा वैदेशिक रोजगार व्यवसायीले सहयोग गरेको नभई सरकार आफैंले काबुक आक्रमणमा मारिएकाहरुको शब ल्याउन जहाज पठाएको ओलीको भनाई छ । सरकारले त्यहाँ मारिएकालाई क्षतिपूर्ति तथा घाइतेको निःशुल्क उपचार गराउने निर्णय समेत गरिसकेको प्रधानमन्त्री ओलीले बताउनुभयो ।<br><br></p>
