राष्ट्रपतिद्वारा शिक्षा ऐन प्रमाणिकरण

<p>१५ असार, काठमाडौं ।<br>राष्ट्रपति विद्यादेवी भण्डारीले शिक्षा ऐन, आठौं संशोधन विधेयक २०७३ लाई प्रमाणिकरण गर्नुभएको छ । आज राष्ट्रपति विद्यादेवी भण्डारीले विधेयक प्रमाणिकरण गर्नुभएको हो ।</p><p>व्यवस्थापिका संसदले गत जेठ २२ गते सो विधेयक पारित गरेर प्रमाणिकरणका लागि राष्ट्रपति समक्ष पठाएको थियो ।</p><p>व्यवस्थापिका संसद बैठकबाट पारित शिक्षा ऐन (आठौं संशोधन) विधेयक, २०७३ नेपालको संविधानको धारा ११३ को उपधारा (२) बमोजिम प्रमाणीकरण भएको राष्ट्रपति कार्यालयले जनाएको छ ।</p><p>ऐनका बिषयमा अस्थाई शिक्षकले भने असहमति जनाउदै आएका छन् । तर अब ऐन प्रमाणिकरण भएसँगै अस्थायी शिक्षकहरूले प्रतिस्पर्धा गर्ने वा स्वेच्छिक अबकाश लिने सहितका बिकल्प पाउनेछन् ।</p><p>अब विद्यालय क्षेत्रको संरचनामा परिवर्तन भई कक्षा १२ बाट प्रवेशिका परीक्षा लागू हुनेछ ।<br><br>&nbsp;<br><br><br></p>