20.71¡ÆC
१५ चैत, बारा ।पद्मकन्या क्याम्पस काठमाडौंको स्वतन्त्र विद्यार्थी युनियनको सभापती लाल कुमारी पोखरेल (स्वस्तिका)को सवारि दुर्घटनामा परि निधन भएको छ । बाराको अमलेखगंज–६ आदाबारमा सोमबार बिहानै बस र कार आपसमा ठोक्किदा उनको घटनास्थलमै निधन भएको हो । मृत्यु हुनेमा कार चालक काभ्रे, महादेवस्थनाका ४४ वर्षीय ध्रुव कार्की पनि रहेका छन् । कारमा सवार प्रदिप पोखरेल र गोविन्द बुढाथोकी घाइते भएका छन्। घाइतेहरुलाई उपचारको लागि गण्डक हेल्थ केयर वीरगंज पठाइएको छ । हेटौंडाबाट पथलैयातर्फ जादै गरेको ना४ख ५६९६ नम्बरको बस र विपरीत दिशाबाट आउदै गरेको बा३च ८०९७ नम्बरको कार आज बिहान पौने ५ बजे आपसमा ठोक्किएका थिए ।
