19.12¡ÆC
धनुषा । प्रदेश नम्बर २ का जनता समाजवादी पार्टी (जसपा) नेपालमा रहेका ११ प्रदेश सभा सदस्यले लोकतान्त्रिक समाजवादी पार्टी (लाेसपा) नेपालको पक्षमा सनाखत गरेका छन् । उनीहरूले निर्वाचन आयोगको प्रदेश कार्यालय जनकपुरधाममा पुगेर लोसपाको पक्षमा सनाखत गरेका हुन् ।
लोसपाको पक्षमा सनाखत गर्ने प्रदेश सभा सदस्यमा सुरिता साह, जयनुल राइन, बबिता चौधरी, नीलम देवी भूमिहारिन, अलका झा, गौरीनारायण साह, जानकीशरण साह, परमेश्वर साह, रमेशप्रसाद कुर्मी, बाबुलाल साह र उपेन्द्र महतो रहेका निर्वाचन कार्यालयकी प्रमुख पुष्पाकुमारी झाले जानकारी दिनुभयो ।
प्रदेश २ को प्रदेश सभामा तत्कालीन समाजवादी पार्टीबाट ३० र तत्कालीन राजपाकाे तर्फबाट २५ गरी जसपाको कुल ५५ प्रदेश सभा सदस्य थिए ।
लोसपाका पक्षमा जसपाका १४ प्रदेश सभा सदस्य खुलेका छन् । एक नेताका अनुसार जसपाका १४ जना लोसपामा खुलेर सनाखत गर्न तयार रहेको र थप चार जनालाई आफ्नो पक्षमा सनाखत गराउन प्रयास भइरहेको छ ।
लोकतान्त्रिक समाजवादी पार्टी रोज्नुभएका प्रदेश सभाका सदस्य जीतेन्द्र सोनलले बाँकी प्रदेश सभाका सदस्य बाहिर रहेकाले भोलि सनाखत गर्ने बताउनुभयो । उहाँले अन्य सांसद बिहीवार र शुक्रवार सनाखतका लागि निर्वाचन कार्यालय पुग्ने बताउनुभयो ।
