23.64¡ÆC
काठमाडौँ । पछिल्लो २४ घण्टामा दुई हजार पाँच सय २५ जनामा कोरोना सङ्क्रमण पुष्टि भएको छ । नौ हजार नौ सय नौ जनाको पीसीआर र चार हजार एक सय नौ जनाको एन्टिजेन गरी १४ हजार आठ सय १० जनाको नमुना परीक्षण गर्दा दुई हजार पाँच सय २५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
पछिल्लाे २४ घण्टामा नमुना परीक्षण गरिएका नमुनामध्ये १७ दशमलव शून्य चार प्रतिशतमा सङ्क्रमण पुष्टि भएकाे हो । आज थपिएकासहित नेपालमा कोरोना सङ्क्रमण पुष्टि हुनेको सङ्ख्या आठ लाख ३१ हजार नौ सय ६८ पुगेको छ ।
यस्तै थप दुई हजार ८६ जना निको भएसँगै कोरोना सङ्क्रमणमुक्त हुनेको सङ्ख्या सात लाख दुई हजार एक सय ८३ पुगेको छ ।
यही अवधिमा थप ३५ जनाले कोरोना सङ्क्रमणका कारण ज्यान गुमाएका छन् । योसहित कोरोनाबाट ज्यान गुमाउनेको सङ्ख्या १० हजार पाँच सय ६८ पुगेको छ ।
अहिले नेपालमा ३८ हजार दुई सय ५० जना सक्रिय सङ्क्रमित रहेकामा ६ सय २० जनाको आईसीयू र एक सय ७० जनाको भेन्टिलेटरमा उपचार भइरहेको छ ।
