एसइईको प्रश्नपत्र आउट गर्न प्रहरीकै संलग्नता

<p>काठमाडौ । माध्यमिक शिक्षा परीक्षा (एसईई) अन्तर्गत गत १४ र १५ गते भएको विज्ञान र सामाजिक विषयको प्रश्नपत्र प्रदेश २ मा बाहिरिएको घटनामा प्रहरीकै संलग्नता देखिएको छ।<br><br>घटना छानविन गरिरहेको नेपाल प्रहरीको केन्द्रीय अनुसन्धान व्युरो सिआइबीले सिरहाको इलाका प्रहरी कार्यालय कल्याणपुरमा कार्यरत दुई प्रहरी जवान ब्रम्हदेव सुनरैत र दीपेन्द्रकुमार मण्डललाई नियन्त्रणमा लिएको छ।<br><br>यसलाई व्युरो र प्रहरी प्रधान कार्यालयले गोप्य राखेका छन्। प्रश्नपत्र बाहिरिएलगत्तै राष्ट्रिय परीक्षा बोर्ड र प्रदेश २ सरकारले गठन गरेका समितिले छुट्टाछुट्टै छानविन गरेका थिए।<br><br>दुवै समितिले अनुसन्धान जारी रहेको बताइरहेका बेला सीआइबीले दुई प्रहरी जवानलाई नियन्त्रणमा लिएको हो। एक प्रहरी उच्च अधिकारीका अनुसार सोमबार बिहान काठमाडौं लगिएका दुवै प्रहरीलाई हतकडी लगाइएको छ।<br></p>