कोरिया लुम्बिनीलाई विश्व शान्ति शहर बनाउन सहयोग गर्न तयार

<p>२८ जेठ, कोरिया ।<br>गौतमबुद्ध जस्मस्थल लुम्बिनीलाई विश्व शान्ति शहर बनाउन दक्षिण कोरियाले सक्दो सहयोग थप गर्न तयार रहेको बताएको छ ।<br><br>कोरियाको अन्तर्राष्ट्रिय सहायता निकाय कोयकाले नेपालको भुकम्प पछिको पुर्ननिर्माण र पुर्वाधार विकासमा थप सहयोग गर्न तयार रहेको जनाएको हो ।<br><br>चार दिने कोरियाा भ्रमणमा रहेका नेपालका पर्यटन सचिव सहितको टोलीसँगको भेटमा कोयकाका उप–प्रमूख सुङ्गो छोइले भुकम्पपछिको पुर्ननिर्माण र पुर्वाधार विकासमा थप सहयोग गर्ने जानकारी दिएको छ ।<br><br>पर्यटन सचिब शंकरदास बैरागीले कोयका कार्यालयमा पुगेर कोयका उप–प्रमूख छोइसँग भेटघाट र छलफल गरेका थिए । भेटमा सचिव बैरागी नेतृत्वको नेपाली अधिकारी र कोयकाका अधिकारीबीच द्धिपक्षिय सम्बन्ध र कोयकाले गर्ने आर्थिक सहयोगको विषयमा छलफल भएको थियो ।<br><br>कोरियास्थित नेपाली दुतावासले जारी गरेको प्रेस विज्ञप्तीमा छलफलमा कोयकाका उप–प्रमूख छोइले संस्थाको भावि परियोजना र भुकम्पपछिको पुर्ननिर्माण तथा पुर्वाधार विकासमा सहयोगका बारेमा जानकारी दिएको बताइएको छ ।<br><br>छोइसँगको भेटमा सचिब बैरागीले कोयकाले नेपालको सामाजिक र आर्थिक क्षेत्रको विकासमा&nbsp; पु¥याउदै आएको सहयोगको प्रशंसा गर्दै भावि दिनमा पनि थप सहयोग गर्न आग्रह गरेका छन् । त्यस्तै उनले भुकम्प प्रभावितका लागि आवश्यक आवास निर्माण, स्वास्थ्य पुर्वाधारका सार्थ प्राविधिक जनशक्ति पठाएर सहयोग गर्न आग्रह गरेका छन् । प्रतिउत्तरमा कोयकाका उप–प्रमूखले नेपालको आर्थिक विकासमा सक्दो सहयोग गरिरहने प्रतिबद्धता ब्यक्त गरे ।<br><br>यसैगरी कोयका र नेपालका अधिकारीबीच व्यापार, उद्योग, जलवायू परिवर्तन, जल व्यावश्थापन, लुम्बिनीलाई विश्व शान्ति शहरको रुपमा विकास गर्ने लुम्बिनी गुरुयोजनामा&nbsp; सहयोग र त्यसको सम्भाव्यताका विषयमा छलफल भएको दुतावासले जनाएको छ ।<br><br>त्यसैगरी सचिब बैरागी नेतृत्वको टोलीले हिजैबाट राजधानी सोलमा शुरु भएको एक्तीसौ कोरिया वल्ड ट्राभल मेलामा राखिएको नेपाली स्टलको अवलोकन गरेका थिए । नेपाल पर्यटन बोर्ड र नेपाली दुतावासले संयुक्त रुपमा स्टल राखेका छन् । नेपालको पर्यटन प्रवद्र्धन गर्ने उद्धेश्य अनुरुप मेलामा नेपाली स्टल राखिएको हो ।<br><br>मेलामा नेपाल स्टल हेर्न आउने कोरियनहरुले नेपालबारे चासो पूर्वक जानकारी लिनुका साथै बुद्धजन्मस्थल लुम्बिनी, सर्वोच्च शिखर सगरमाथा, नेपालमा सौन्दर्य र पयर्टनबारे चासो राखेको स्टलमा सहभागी नेपाली प्रतिनिधिहरुले बताएका छन् ।<br></p>