पहिरोमा पुरिएर दुई जनाको मृत्यु

<p align="justify">अनु आचार्य,</p><p align="justify">३१ भदौ, रसुवा ।&nbsp; रसुवाको गोसाईकुण्ड गाउँपालिका–२ टिमुरेमा निर्माणाधीन रसुवागढी जलबिद्युत आयोजनामा शनिबार राती गएको पहिरो पुरिएर दुई जनाको मृत्यु भएको छ । नौ जना घाइते भएका छन् ।</p><p align="justify"><br>आयोजनामा काम गर्नको लागी पहुँच मार्ग बनाएको स्थानको अडिट नं. २ मा गएको पहिरामा पुरिएर मकवानपुरको हेटौडा उपमहानगरपालिका–११ का २२ वर्षका रमेश कार्पाैला र रुकुमको भूमे गाँउपालिका वडा नं. २ का ५० वर्षका भीम रोका रहेको रसुवा प्रहरी प्रमुख सन्तोष तामाङले जानकारी दिए । </p><p align="justify"><br>प्रहरीको अनुसार जलविद्युुत आयोजनामा मजदुरको रुपमा कार्यरत उनीहरुको सुतिरहेको स्थानमा माथीबाट आएको पहिरोमा पुरिएर मृत्यु भएको हो । पहिरोमा परी घाइते भएका नौ जना मध्ये चार जनाको अबस्था गम्भीर भएकाले थप उपचारको लागी आइतबार बिहानकाठमाडौ पठाइएको छ ।</p><p align="justify"><br>घाइते पाँच जनाको जिल्ला अस्पताल धुञ्चेमा उपचार पश्चात सामान्य भएको र एक चिनियाँ नागरिक सहित चार जनालाई काममाडौ पठाइएको प्रहरीले जनाएको छ । </p><p align="justify"><br>रसुवागढी जलबिद्युत आयोजनाको पहुँचमार्गमा शनिबार अपरान्हदेखि नै सुख्खा पहिरो बगिरहेको र राती करिब नौ बजे अकस्मात ठूलो पहाड सहितको पहिरो गएको आयोजना पक्षले जनाएको छ । पहिरोको कारण एक सय ११ मेगावाट क्षमताको आयोजनाको काम तत्कालको लागी रोकिएको छ । <br><br><br></p>