आयोजक राष्ट्र रसियाको विश्वकप यात्रामा पूर्णविराम,पेनाल्टी सुटआउटमा पराजित

<p>एजेन्सी । आयोजक राष्ट्र रसियालाई हराउँदै क्रोएसिया फिफा विश्वकपको सेमिफाइनलमा पुगेको छ । सेमिफाइनल प्रवेशका लागि क्रोएसियाले टाइब्रेकरसम्म कुर्नुपर्‍यो । उसले टाइब्रेकरमा रसियालाई उसको घरेलु मैदानमा ४-३ ले हराएको हो।<br>निर्धारित र अतिरिक्त समयमा बराबरी भएसँगै खेल पेनाल्टी सुटआउटमा पुगेको थियो । पेनाल्टी सुटआउटमा फिदोर स्मोलाभको फितलो प्रहार क्रोएसियाका गोलकिपर डेनियल सुबेसिचले बचाएका थिए भने मारियो फर्नाण्डेजले बललाई सहि दिशा दिन सकेनन् । क्रोएसिया २० वर्षपछि सेमिफाइनलमा पुगेको हो ।<br><br>सन् १९९८ मा फ्रान्समा भएको विश्वकपमा क्रोएसिया सेमिफाइनलमा पुगेको थियो । तर सेमिफाइनलमा फ्रान्स ९जसले विश्वकप जित्यो० सँग पराजित भयो । र, तेस्रो स्थानको प्लेअफमा क्रोएसियाले नेदरल्याण्डलाई हरायो ।<br><br>खेलको ३८ औं मिनेटमा चेरिसेभले गोल गर्दै रसियालाई अग्रता दिलाएका थिए। तर उसको अग्रतालाई क्रोएसियाले खेलको ३९ औं मिनेटमा गोल गर्दै बराबरी गरिदियो। क्रोएसियाका लागि करामारिकले गोल गरेका थिए।<br><br>पहिलो&nbsp; तथा दोश्रो हाफमा&nbsp; १(१ गोलको&nbsp; बराबरीमा सकिएपछि खेल अतिरिक्त समयमा धकेलिएका थियो ।<br><br>अतिरिक्त समयमा धकेलिएको खेलमा कोएसियाका लागि १०१ मिनेटमा डिडेले गोल गरे ।<br><br>तर आक्रमक भएको रसियाले खेलको ११५ मिनेटमा बराबरी गोल फर्काउदै खेल बराबरीमा पुर्योयो । रसियाका लागि सो गोल फर्नानडेजले गरेका थिए।<br><br>तर पेनाल्टी सुटआउटमा क्रोएसिया विजयी भएपछि ५२ वर्षपछि पहिलो पटक सेमिफाइनलमा पुग्ने रसियाको लक्ष्यमा पूर्णविराम लाग्यो ।<br><br>२० वर्षपछि क्रोएशिया सेमिफाइनलको यात्रा तय गरेको&nbsp; क्रोएशियाले आगामी बुधबार सेमिफाइनलको खेल इङ्ल्याण्डसँग खेल्दैछ ।<br></p>