समूह उपविजेता बन्दै अर्जेन्टिना नकआउट चरणमा,अबको भिडन्त फ्रान्ससँग

<p>एजेन्सी । विश्वकप फुटबलअन्तर्गत समूह ‘डि’ को उपविजेता बन्दै अर्जेन्टिना नकआउट चरणमा प्रवेश गरेको छ । अर्जेन्टिनाले मंगलबार राति भएको समूह चरणको अन्तिम खेलमा नाइजेरियालाई २–१ गोलअन्तरले पराजित गर्दै नकआउट चरणमा प्रवेश गरेको हो । समूह डि को विजेता भने क्रोएसिया भएको छ ।<br><br>अर्जेन्टिनाका लागि लियोनल मेसीले खेलको १४ औँ मिनेटमा गोल गरेका थिए भने त्यसलाई नाइजेरियाका लागि भिक्टर मोसेसले बराबरी गोल गरेका थिए।<br><br>नाइजेरियाले ५१ औँ मिनेटमा पेनाल्टी पाएको थियो, जसलाई मोसेसले गोलमा परीणत गरेका थिए। अर्जेन्टिनाका लागि मार्कोस रोजोले ८६ औँ मिनेटमा विजयी गोल गरेका थिए। यता, क्रोएसियाले खेल २-१ ले जित्दा नतिजा अर्जेन्टिनाको पक्षमा आएको हो। समूह डि को उपविजेता बनेसँगै अर्जेन्टिनाले फ्रान्स प्रतिद्धन्दी पाएको हो । प्रिक्वाटरफाइनलमा क्रोएसियाले डेनमार्कसँग प्रतिस्पर्धा गर्नेछ ।<br></p>