19.12¡ÆC
<p>४ चैत, नुवाकोट । दश जोड दुईमा अध्यापन गराउदै आएका शिक्षकहरुको साँझा सस्था हिस्टान नुवाकोट अध्यक्षमा मुकुन्द अर्याल चयन हुनुभएको छ । त्रिशूलीमा शनिबार भएको तेस्रो अधिबेशनबाट सर्वसम्मत रुपमा नयाँ कार्यसमिति गठन गर्दै अध्यक्षमा त्रिभुवन त्रिशूली माध्यामिक विद्यालयमा अध्यापन गराउदै आउनुभएका अर्याल चयन हुनुभएको हो । <br> हिस्टान जिल्ला उपाध्यक्षमा भैरवी मावीका सम्झना ढुङ्गाना, सचिवमा शक्ति माविका जीवन दाहाल, सहसचिवमा ग्रामसेवा माविका राकेश शाह, कोषाध्यक्षमा ज्ञानज्योती माविका श्याममायाँ लामा चयन हुनुभएको छ । <br> यसैगरी, सदस्यमा त्रिभूवन त्रिशूली माविका खगेन्द्र केसी, कल्याणी माविका उद्धव पुडासैनी, विन्दुकेशर माविका विष्णु पौड्याल र रणभुवनेश्वरी माविका विष्णु नेपाल रहनुभएको छ ।<br> यसैगरी, स्थानीयतह अनुसार कार्यसमिति चयन गर्न केहीमा संयोजक समेत तोकेर जिम्मेवारी प्रदान गरिएको हिस्टानका केन्द्रीय सह–कोषाध्यक्ष पुष्पराज लोहनीले जानकारी दिनुभएको छ । <br>नुवाकोटमा साविकको उच्चमावि अर्थात अहिलेको कक्षा ११ र १२ मा अध्ययापन गराउने विद्यालयको सङ्ख्या ५२ भएपनि शिक्षकको सङ्ख्या दरबन्दी अनुसार ३२ जना, राहतकोटा ६४ जना र निजीश्रोत समेत गरी ३५० को हाराहारीमा कार्यरत रहेको केन्द्रीय सह–कोषाध्यक्ष लोहनीले बताउनुभएको छ ।<br>हिस्टान नुवाकोटको तेश्रो अधिवेशनमा केन्द्रीय उपाध्यक्ष गणेश लामिछाने, सहकोषाध्यक्ष लोहनी लगायतको सहभागिता रहेको थियो । <br><br><br></p>
