विश्वकप क्रिकेट छनोटको पहिलो खेलमा नेपाल जिम्बाबेसँग ११६ रनले पराजित

<p><span style="line-height: 1.42857;">काठमाडौं ।</span><br></p><p>आईसीसी विश्वकप क्रिकेट छनोटको पहिलो खेलमा नेपाल ११६ रनले पराजित भएको छ ।</p><p><br></p><p>जिम्बाब्वेले दिएको लिएको ३८१ रनको लक्ष्य पछ्याएको नेपालले ६ विकेटको क्षतिमा पूरै ओभर खेल्दै मात्र २६४ रन बनाउँदा पराजित हुन पुग्यो ।</p><p><br></p><p>टेस्ट र वान डेमा अनुभवी जिम्बाब्वेलाई नेपालले ६ विकेटको क्षतिमा ३८० रनमा रोकेपनि जित्न सकेन ।</p><p><br></p><p>बुलाबायोमा टस जितेको जिम्बावेले ६ विकेट गुमाई ३ सय ८० रन बनाएको थियो । नेपालले खर्चेको यो अहिलेसम्मकै सवैभन्दा बढी रन हो । जिम्बावेबाट ब्रेन्डन टेलर र सिकन्दर राजाले शतक बनाएका थिए । नेपालका बलरहरु खासै चल्न नसक्दा नेपालले ठूलो लक्ष्य पाएको थियो ।</p><p><br></p><p>जिम्बाब्वेका ब्याट्सम्यानका सामू बलरहरु निरीह हुँदा विश्वकप छनोटको पहिलो खेलमा नेपाल ११६ रनको फराकिलो अन्तरले पराजित भएको हो ।</p><p><br></p><p>टस जितेर पहिले ब्याटिङ गरेको घरेलु टोलीले ३८१ रनको विशाल लक्ष्य दिएको थियो । जवाफमा नेपालले ५० ओभरमा ८ विकेट गुमाएर २६४ रन मात्र बनाउन सक्यो ।</p><p>नेपालको सुरुवात राम्रो हुन सकेन । ओपनर दिलिप नाथ मात्र २ रनमा आउट भए, जतिबेला टिमको स्कोर ९ रन थियो । कप्तान पारस खड्का र उपकप्तान ज्ञानेन्द्र मल्लले दोस्रो विकेटका लागि ५४ रनको साझेदारी गरे ।</p><p><br></p><p>खड्का ४० रन बनाएर आउट भए । दिपेन्द्र सिंह ऐरीले तेस्रो विकेटका लागि ज्ञानेन्द्रसँग ३५ रनको साझेदारी गरे । ऐरी व्यक्तिगत २३ रनमा आउट भए ।</p><p><br></p><p>नेपालले थप १२ रन जोड्दा ज्ञानेन्द्र पनि आउट भए । उनले व्यक्तिगत ३२ रन जोडे ।</p><p><br></p><p>पाँचौं विकेटका लागि शेरद भेषावकर र आरिफ शेखले पारी सम्हाल्ने प्रयास गरे । ७३ रनको साझेदारी गरेका शरद ५२ रन बनाएर आउट भए ।</p><p><br></p><p>रोहितकुमार पौडेलले आरिफसँग ५९ रनको साझेदारी गरे । रोहित ३० रनमा आउट भए । नेपालले थप चार रन जोड्दा आरिफ पनि अर्धशतक बनाएर पभेलियन फर्किए । बसन्त रेग्मीले २ रन जोडे । सोमपाल कामी १२ र सन्दिप लामिछाने ५ रनमा अविजित रहे ।</p><p><br></p><p>नेपालले टेष्ट राष्ट्रसुँग ५० ओभर पुरै खेल्नु र २६४ रन बनाउन सकारात्मक हो तर, ३८० रनको विशाल लक्ष्य पछ्याएको टोलीका लागि यो पर्याप्त रहेन ।</p><p><br></p><p>विश्वकप छनोट खेल्दै गर्दा नेपाली टोलीको मुख्य स्ट्रेन्थका रुपमा बलिङलाई मानिएको थियो । तर, जिम्बाब्वेका ब्याट्सम्यानहरुका सामू नेपाल बलर निरिह देखिए ।</p><p><br></p><p>टस जितेर पहिले ब्याटिङ गरेको जिम्बाब्वेले ५० ओभरमा ६ विकेट गुमाएर ३८० रन बनायो । उसका लागि ब्रेन्डन डेलर र सिकन्दर राजाले नेपालविरुद्ध शतक हाने ।</p><p><br></p><p>जिम्बाबेले बनाएको ३८० रन यो २००९ बाट सुरु भएको विश्वकप छनोटमा कुनै पनि टोलीले पाएको ठूलो स्कोर हो । २००९ मा यूएईले डेनमार्कविरुद्ध ३८९ रन बनाएको थियो ।</p><p><br></p><p>यसअघि विश्वकप छनोटका लागि हुने प्रतियोगिताको नाम आईसीसी ट्रफी भनिन्थ्यो ।</p><p><br></p><p>घरेलु टोलीको सुरुवात राम्रो रहृयो । पहिलो विकेटका लागि केफा झुवाओ र सोलेमान मियरले ७७ रनको साझेदारी गरे । झुवाओ व्यक्तिगत ४१ रनमा आउट भए ।</p><p><br></p><p>हृयामल्टन मास्काजाले १७ रनमा आउट भए । तेस्रो विकेटका रुपमा मियर आउट हुँदा जिम्बाब्वेको स्कोर ११३ रन थियो । तर, चौथो नम्बरमा आएका ब्रेन्डल टेलरले क्रेज एर्विनसँग मिलेर ७७ रनको साझेदारी गरे । एर्विन ३४ रनमा आउट हुँदा टिमको स्कोर २०० रन दियो र १९ ओभर खेल बाँकी थियो ।</p><p><br></p><p>तर, सिकन्दर राजाले टेलरसँग आक्रकम पारी खेले । दुबैले १७२ रनको साझेदारी गरे । ४९ औं ओभरमा सोमपालले दुबैको विकेट लिए, जतिबेला दुबैले शतक हानिसकेका थिए । सिकन्दर राजाले ८० बलमा १२३ रन बनाए भने टेलरले १०० रन बनाए ।</p>