प्रचण्ड पुत्र प्रकाश दाहालको निधन

<p>३ मंसिर, काठमाडौ ।</p><p>नेकपा माओवादी केन्द्रका अध्यक्ष पुष्पकमल दाहाल प्रचण्डपुत्र प्रकाश दाहालको निधन भएको छ ।</p><p>गम्भीर बिरामी परेपछि काठमाडौंस्थित नर्भिक अस्पतालमा अचेत अवस्थामा पुर्‍याइएका प्रकाशको निधन भएको चिकित्सकले बताएका छन् । यद्यपी मृत्युको घोषणा भने हुन बाँकी रहेको छ ।</p><p>पुष्पकमल दाहाल लगायतका पार्टीका शीर्ष नेताहरु झापामा रहेकाले काठमाडौं आइपुगेपछि केही समयपछि घोषणा गर्ने चिकित्सकले बताए । चुनावी अभियानमा झापामा रहेका पुष्पकमल दाहाल, प्रकाशकी दिदी रेणु दाहाल काठमाडौं आउन लागेका छन् ।</p><p>नेकपा माओवादी केन्द्रका प्रवक्ता पम्फा भुसालले दुखद घटना भएको भन्दै डाक्टरको सूचना पर्खीरहेको बताइन् ।

अचानक हृदयघात भएपछि आज बिहान पाँच बजे अस्पताल पुर्‍याएका दाहाललाई डाक्टरले बचाउन नसक्ने प्रतिक्रिया दिएका थिए ।
</p><p><br></p><p>यो पनि पढ्नुहोस् ।</p><h3><a href="https://topnepalnews.commain-news/11770 ">प्रचण्ड पुत्र प्रकाश अचेत अबस्थामा भेट्टिए, अबस्था के हो बाहिर आएन</a></h3>